കൊച്ചി: നെടുമ്പാശേരി മിനി കൂപ്പര്‍ വാഹനാപകടക്കേസിലെ പ്രതി സുഹൈല്‍ സജീവിന്റെ (19 ) ശരീരത്തില്‍ അനുവദനീയമായതിലും അഞ്ചിരട്ടി മദ്യം ഉണ്ടായിരുന്നതായി പരിശോധനാ റിപ്പോര്‍ട്ട്.
നെടുമ്പാശേരിയിലെ ബാറില്‍ മാത്രം പ്രതികള്‍ ചെലവിട്ടത് 4396 രൂപയാണെന്നും റിപ്പോര്‍ട്ടുണ്ട്. ഉച്ചയ്ക്ക് 12.30 മുതല്‍ പിറ്റേന്ന് വെളുപ്പിന് ഒന്നര വരെ സുഹൈല്‍ മൂന്നു ബാറുകളില്‍ നിന്നായി മദ്യപിച്ചിരുന്ന കാര്യം എക്‌സൈസ് കണ്ടെത്തിയിരുന്നു. സുഹൈലും കൂട്ടുപ്രതികളും രാസലഹരി ഉപയോഗിച്ചിരുന്നോയെന്നും പൊലീസ് പരിശോധിക്കുന്നുണ്ട്. ഇതിന്റെ പരിശോധനാഫലം ലഭിക്കാന്‍ താമസമെടുക്കുമെന്ന് പൊലീസ് സൂചിപ്പിച്ചു.
സുഹൈലിനെതിരെ നടപടിക്ക് എക്‌സൈസും നീക്കം തുടങ്ങി. 23 വയസ്സിന് മുമ്പ് മദ്യം ഉപയോഗിച്ചതിന് സുഹൈലിനെതിരെ എക്‌സൈസും കേസെടുക്കും. മദ്യപിച്ച് വാഹനം ഓടിച്ചെന്ന് തെളിഞ്ഞ സാഹചര്യത്തില്‍ സുഹൈലിന്റെ ലൈസന്‍സ് സസ്‌പെന്‍ഡ് ചെയ്യാനുള്ള നടപടികളിലേക്ക് മോട്ടോര്‍വാഹന വകുപ്പും കടന്നിട്ടുണ്ട്. ഇതിനു മുന്നോടിയായി കാരണം കാണിക്കല്‍ നോട്ടീസ് അയച്ചിട്ടുണ്ട്. അപകടവുമായി ബന്ധപ്പെട്ട എംവിഡി റിപ്പോര്‍ട്ട് ജോയിന്റ് ആര്‍ടിഒ ഉടന്‍ സമര്‍പ്പിക്കും
അതിനിടെ കേസില്‍ അറസ്റ്റിലായ സുഹൈല്‍ സജീവിന്റെ ജാമ്യാപേക്ഷ കോടതി ഇന്ന് പരിഗണിക്കും. അങ്കമാലി മജിസ്‌ട്രേറ്റ് കോടതിയാണ് ജാമ്യാപേക്ഷ പരിഗണിക്കുന്നത്. സുഹൈലിന്റെ രക്തപരിശോധനാ ഫലം അടക്കം പൊലീസ് കോടതിയില്‍ സമര്‍പ്പിക്കും. സുഹൈലിന്റെ ജാമ്യാപേക്ഷയെ പൊലീസ് ശക്തമായി എതിര്‍ക്കും. സുഹൈല്‍ ജാമ്യം നേടി പുറത്തിറങ്ങുന്നത് സാക്ഷികളെ സ്വാധീനിക്കുന്നതിന് ഇടക്കം ഇടയാക്കുമെന്ന് പ്രോസിക്യൂഷന്‍ കോടതിയില്‍ ചൂണ്ടിക്കാട്ടും.
23 വയസില്‍ താഴെയുള്ളവര്‍ക്ക് മദ്യം നല്‍കാന്‍ പാടില്ലെന്നിരിക്കെ, സുഹൈലിനും സുഹൃത്തുക്കള്‍ക്കും മദ്യം നല്‍കിയ പാലാരിവട്ടം, വൈറ്റില, നെടുമ്പാശേരി എന്നിവിടങ്ങളിലെ ബാറുകളുടെ ലൈസന്‍സ് എക്‌സൈസ് കമ്മീഷണര്‍ സസ്‌പെന്‍ഡ് ചെയ്തിരുന്നു. ഞായറാഴ്ച വെളുപ്പിനെ രണ്ടു മണിയോടെയാണ് സുഹൈല്‍ ഓടിച്ചിരുന്ന ആഡംബര കാര്‍ സ്‌കൂട്ടറിനു പിന്നിലിടിച്ച് വയനാട് സ്വദേശി ദേവിക, പാലക്കാട് സ്വദേശി ഗോപിക, സുള്ള്യ സ്വദേശി ഇയാസ് എന്നിവരാണ് കെല്ലപ്പെട്ടത്
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.