കോട്ടയം: നവരാത്രി മുതൽ ദീപാവലി വരെയുള്ള ഉത്സവ സീസണുകളിൽ വീടുകളിലും കടകളിലും പലതരം മിഠായികളും പലഹാരങ്ങളും നിറയും.
പ്രത്യേകിച്ച് പാലും ക്രീമും ഉപയോഗിച്ച മിഠായികൾ ശരിയായ രീതിയിൽ സൂക്ഷിച്ചില്ലെങ്കിൽ പെട്ടെന്ന് കേടാകാമെന്ന് ആരോഗ്യവിദഗ്ധർ മുന്നറിയിപ്പ് നൽകുന്നു. ഇത്തരം ആരോഗ്യപ്രശ്നങ്ങൾ ഒഴിവാക്കാൻ എഫ്എസ്എസ്എഐ (FSSAI) അംഗീകാരമുള്ള വിശ്വസനീയമായ വ്യാപാര സ്ഥാപനങ്ങളിൽ നിന്ന് മാത്രം ഭക്ഷ്യവസ്തുക്കൾ വാങ്ങാൻ ശ്രദ്ധിക്കുക.
ആവശ്യക്കാർ കൂടുമ്പോൾ ലാഭം മാത്രം ലക്ഷ്യമിട്ടുള്ള മായം ചേർക്കലുകളും ഗുണമേന്മയില്ലാത്ത ഭക്ഷണസാധനങ്ങൾ വിതരണം ചെയ്യുന്നതിലേക്കും നയിക്കാം. അതുകൊണ്ട് തന്നെ വിലക്കുറവു കണ്ട് ചാടിവീഴരുത്.
പാക്ക് ചെയ്ത മിഠായികൾ വാങ്ങുമ്പോൾ നിർമ്മിച്ച തീയതി, ഉപയോഗിക്കേണ്ട അവസാന തീയതി എന്നിവ പരിശോധിക്കുക. തീയതി വ്യക്തമല്ലാത്തതോ ലേബൽ ഇല്ലാത്തതോ ആയ ഉൽപന്നങ്ങൾ ഒഴിവാക്കുന്നതാണ് നല്ലത്
നിറം കൂടുതലാണോ എന്ന് പരിശോധിക്കുക
അസാധാരണമായി തിളങ്ങുന്ന നിറമുള്ള മിഠായികളിൽ കൃത്രിമ ഭക്ഷ്യനിറം അമിതമായി ഉപയോഗിച്ചിട്ടുണ്ടാകാനുള്ള സാധ്യതയുണ്ട്. സ്വാഭാവികമായി തോന്നുന്ന നിറവും സാധാരണ രൂപവുമുള്ള മിഠായികൾ തിരഞ്ഞെടുക്കുന്നതാണ് നല്ലത്.
മണം ശ്രദ്ധിക്കുക
പുളിച്ച മണമോ പഴകിയ എണ്ണയുടെ മണമോ മറ്റേതെങ്കിലും അസാധാരണ ഗന്ധമോ അനുഭവപ്പെട്ടാൽ വാങ്ങാതിരിക്കുക. മിഠായി ഫ്രഷ് ആണോയെന്നറിയാൻ മണം ശ്രദ്ധിക്കുന്നത് നല്ലതാണ്.
തുറന്ന് വെച്ച മിഠായികൾ ഒഴിവാക്കുക
തുറന്നുവെച്ചിരിക്കുന്ന മിഠായികളിലേക്ക് പൊടിയും ഈച്ചകളും മറ്റ് അഴുക്കുകളും എത്താൻ സാധ്യതയുണ്ട്. ഭക്ഷണം മൂടിവെച്ചിട്ടുണ്ടോയെന്നും ശുചിത്വവും ശ്രദ്ധിക്കണം.
പാലും ക്രീമും അടങ്ങിയ മിഠായികൾ പ്രത്യേകം ശ്രദ്ധിക്കുക
പാൽ, ഖോവ, ക്രീം തുടങ്ങിയവ ഉപയോഗിച്ച മിഠായികൾക്ക് കേടാകാനുള്ള സാധ്യത കൂടുതലാണ്. ഇത്തരം മിഠായികൾ ശരിയായ താപനിലയിൽ സൂക്ഷിച്ചിട്ടുണ്ടോ എന്ന് നോക്കുക. വാങ്ങിയ ശേഷം ഏറെ നേരം ചൂടുള്ള സ്ഥലത്ത് വെക്കാതിരിക്കുക.
വിലകുറഞ്ഞ മിഠായികൾ വാങ്ങുമ്പോൾ ശ്രദ്ധിക്കണം
സാധാരണ വിലയേക്കാൾ വളരെ കുറഞ്ഞ വിലയിൽ വിൽക്കുന്ന മിഠായികൾ കണ്ടാൽ ഗുണനിലവാരത്തെക്കുറിച്ച് അന്വേഷിക്കുന്നത് നല്ലതാണ്. വില മാത്രം നോക്കി വലിയ അളവിൽ വാങ്ങാതിരിക്കുക.
വാങ്ങിയ മിഠായി ശരിയായി സൂക്ഷിക്കുക
വീട്ടിലെത്തിയ ശേഷം മിഠായി എങ്ങനെ സൂക്ഷിക്കണമെന്ന് പാക്കറ്റിലെ നിർദേശം പരിശോധിക്കുക. ഫ്രിഡ്ജിൽ സൂക്ഷിക്കേണ്ടവ അങ്ങനെ തന്നെ സൂക്ഷിക്കുക. മിഠായി തുറന്ന നിലയിൽ ദീർഘനേരം പുറത്തുവെക്കരുത്.
ഒരുപാട് ദിവസത്തേക്ക് മിഠായി സൂക്ഷിക്കരുത്
ഉത്സവത്തിന് വാങ്ങിയ മിഠായി ശേഷിച്ചാൽ ദിവസങ്ങളോളം സൂക്ഷിച്ച ശേഷം കഴിക്കുന്നത് ഒഴിവാക്കുക. പ്രത്യേകിച്ച് ഫ്രഷ് ക്രീം, പാൽ, ഖോവ എന്നിവ അടങ്ങിയ മിഠായികൾ വേഗത്തിൽ ഉപയോഗിക്കുന്നതാണ് നല്ലത്
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.