കൊൽക്കത്ത: ദുർഗാപൂജ പന്തലിലുണ്ടായ തിക്കിലും തിരക്കിലും 19 പേർ മരിച്ച സംഭവത്തിൽ സുരക്ഷാ ക്രമീകരണങ്ങളിലെ വീഴ്ചകളെക്കുറിച്ചുള്ള കൂടുതൽ വിവരങ്ങൾ പുറത്തുവന്നു. പന്തലിൽനിന്ന് പുറത്തേക്കുള്ള ഒരേയൊരു വഴി, ഇടുങ്ങിയ സമീപവഴികൾ, തിരക്ക് നിയന്ത്രിക്കുന്നതിലെ പോരായ്മകൾ, പരിഭ്രാന്തി വർധിപ്പിച്ച അറിയിപ്പുകൾ എന്നിവ അപകടത്തിന്റെ വ്യാപ്തി വർധിപ്പിച്ചതായി ദേശീയ മാധ്യമങ്ങൾ റിപ്പോർട്ട് ചെയ്തു.
ഒക്ടോബർ 17-ന് വടക്കൻ കൊൽക്കത്തയിലെ ചോർബഗാൻ സർബജനീൻ ദുർഗാപൂജ പന്തലിലാണ് ദുരന്തമുണ്ടായത്. സംഭവത്തിൽ 19 പേർ മരിക്കുകയും 25 പേർക്ക് പരിക്കേൽക്കുകയും ചെയ്തു. പരിക്കേറ്റവരിൽ രണ്ടുപേർ തീവ്രപരിചരണ വിഭാഗത്തിൽ തുടരുന്നതായാണ് റിപ്പോർട്ട്.
സംഭവവുമായി ബന്ധപ്പെട്ട് സംഘാടക സമിതി ഭാരവാഹികൾ ഉൾപ്പെടെ ഏഴുപേരെ അറസ്റ്റ് ചെയ്തിട്ടുണ്ട്. തിരക്ക് നിയന്ത്രിക്കുന്നതിലും സുരക്ഷ ഉറപ്പാക്കുന്നതിലും ആരുടെ ഭാഗത്താണ് വീഴ്ചയുണ്ടായതെന്ന് കണ്ടെത്താൻ അന്വേഷണം തുടരുകയാണ്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.