ന്യൂഡൽഹി: വടക്കുകിഴക്കൻ ഡൽഹിയിലെ സീമാപുരിയിൽ കെട്ടിടത്തിന്റെ ഒരു ഭാഗം തകർന്നുവീണ് കുറഞ്ഞത് അഞ്ച് പേർക്ക് പരിക്കേറ്റു. രണ്ടുമുതൽ മൂന്ന് പേർ വരെ കെട്ടിടാവശിഷ്ടങ്ങൾക്കിടയിൽ കുടുങ്ങിയിരിക്കാമെന്നാണ് അധികൃതരുടെ പ്രാഥമിക വിവരം. ബുധനാഴ്ച ഉച്ചയ്ക്ക് 3.30ഓടെയാണ് സീമാപുരിയിലെ കെട്ടിടത്തിന്റെ മുൻഭാഗം തകർന്നതായി ഡൽഹി ഫയർ സർവീസിന് വിവരം ലഭിച്ചത്.
അവശിഷ്ടങ്ങൾക്കിടയിൽ രണ്ടുമുതൽ മൂന്ന് പേർ വരെ ഇപ്പോഴും കുടുങ്ങിയിരിക്കാമെന്നാണ് അധികൃതരുടെ സംശയം. ഇവരുമായി ബന്ധപ്പെടാനുള്ള ശ്രമങ്ങളും രക്ഷാപ്രവർത്തനവും തുടരുകയാണ്. പ്രദേശവാസികളും രക്ഷാപ്രവർത്തനത്തിൽ പങ്കുചേരുന്നുണ്ട്. സംഭവത്തിന്റെ കൃത്യമായ കാരണം ഇതുവരെ സ്ഥിരീകരിച്ചിട്ടില്ല. കെട്ടിടത്തിന് സമീപത്തെ രണ്ടോ മൂന്നോ വീടുകളുടെ ഭാഗങ്ങൾക്കും തകർന്നുവീണ അവശിഷ്ടങ്ങൾ മൂലം കേടുപാടുകൾ സംഭവിച്ചതായി റിപ്പോർട്ടുണ്ട്.
അപകടത്തെ തുടർന്ന് സീമാപുരി ഗോൾചക്കർ, ഡിഎൽഎഫ് ഭോപുര, സമീപ റോഡുകൾ എന്നിവിടങ്ങളിൽ ഗതാഗതം തടസ്സപ്പെട്ടു. രക്ഷാപ്രവർത്തന വാഹനങ്ങൾക്കും ആംബുലൻസുകൾക്കും സുഗമമായി കടന്നുപോകാൻ പ്രദേശത്തേക്ക് അനാവശ്യമായി എത്തുകയോ വാഹനങ്ങൾ നിർത്തിയിടുകയോ ചെയ്യരുതെന്ന് ഡൽഹി ട്രാഫിക് പൊലീസ് നിർദേശിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.