ശ്രീറാം വെങ്കിട്ടരാമന് കാഷ്യു കോർപ്പറേഷന്റെ അധിക ചുമതല

തിരുവനന്തപുരം: ഐഎഎസ് ഉദ്യോഗസ്ഥൻ ശ്രീറാം വെങ്കിട്ടരാമന് പുതിയ ചുമതല. കാഷ്യു കോർപ്പറേഷൻ താൽക്കാലിക എം.ഡിയായി അദ്ദേഹത്തെ നിയമിച്ചതായി മന്ത്രി ഷിബു ബേബി ജോൺ അറിയിച്ചു. നിയമന ഉത്തരവ് ഇന്ന് പുറത്തിറങ്ങും.

കശുവണ്ടി വ്യവസായത്തെ നിലനിർത്തുന്നതിനാണ് സർക്കാർ ലക്ഷ്യമിടുന്നതെന്ന് മന്ത്രി പറഞ്ഞു. മേഖല വൻതോതിൽ വളരുമെന്ന പ്രതീക്ഷയില്ലെന്നും, തൊഴിലാളികൾക്ക് ഗുണകരമാകുന്ന തരത്തിൽ മാറ്റങ്ങൾ കൊണ്ടുവരാനാണ് ശ്രമമെന്നും അദ്ദേഹം വ്യക്തമാക്കി. ഇടനിലക്കാരുടെ ജീവിതനിലവാരം മെച്ചപ്പെടുത്തുകയല്ല ലക്ഷ്യമെന്നും മന്ത്രി കൂട്ടിച്ചേർത്തു.

സെപ്റ്റംബറിലെ ഐഎഎസ് ഉദ്യോഗസ്ഥരുടെ സ്ഥലംമാറ്റത്തിൽ ശ്രീറാം വെങ്കിട്ടരാമനെ കൃഷിവകുപ്പിൽ നിന്ന് വനംവകുപ്പ് ജോയിന്റ് സെക്രട്ടറിയായി നിയമിച്ചിരുന്നു. പുതിയ ചുമതല ഏറ്റെടുത്ത് ഒരു മാസം തികയും മുൻപാണ് കാഷ്യു കോർപ്പറേഷന്റെ അധിക ചുമതല കൂടി നൽകുന്നത്.