ന്യൂഡൽഹി: ഷാങ്ഹായ് സഹകരണ സംഘടനയുടെ (എസ്‌സിഒ) സിവിലൈസേഷണൽ ഡയലോഗ് ഫോറത്തിൽ പങ്കെടുക്കാൻ പാകിസ്താനെ ഇന്ത്യ ക്ഷണിച്ചു. നവംബർ 20 മുതൽ 22 വരെ ന്യൂഡൽഹിയിൽ നടക്കുന്ന പരിപാടിയിലേക്ക് പാകിസ്താൻ ദേശീയ പൈതൃക, സാംസ്കാരിക മന്ത്രി ഔറംഗസേബ് ഖാൻ ഖിച്ചിയെ ക്ഷണിച്ചതായാണ് റിപ്പോർട്ട്.
2025 മേയിൽ നടന്ന ഓപ്പറേഷൻ സിന്ദൂറിന് പിന്നാലെ ഇന്ത്യയും പാകിസ്താനും തമ്മിലുള്ള സൈനിക സംഘർഷം രൂക്ഷമായ സാഹചര്യത്തിൽ, പാകിസ്താനിലെ ഒരു മന്ത്രിക്ക് ഇന്ത്യ ക്ഷണം നൽകുന്നത് ശ്രദ്ധേയമാണ്. എന്നാൽ, എസ്‌സിഒയിലെ എല്ലാ അംഗരാജ്യങ്ങളെയും പരിപാടിയിലേക്ക് ക്ഷണിക്കുന്നതിന്റെ ഭാഗമായാണ് നടപടിയെന്ന് ഇന്ത്യൻ ഉദ്യോഗസ്ഥർ വ്യക്തമാക്കിയിട്ടുണ്ട്.
പ്രാചീന സംസ്കാരങ്ങൾ, കല, സാഹിത്യം, പൈതൃകം എന്നിവയുമായി ബന്ധപ്പെട്ട ആശയവിനിമയം ശക്തിപ്പെടുത്തുകയാണ് ഫോറത്തിന്റെ ലക്ഷ്യം. ബഹുരാഷ്ട്ര വേദികളിൽ അംഗരാജ്യങ്ങളുമായി സഹകരിക്കുമ്പോഴും ഭീകരവാദവുമായി ബന്ധപ്പെട്ട വിഷയങ്ങളിൽ ഇന്ത്യയുടെ നിലപാടിൽ മാറ്റമില്ലെന്നാണ് കേന്ദ്ര സർക്കാർ നേരത്തേ വ്യക്തമാക്കിയിട്ടുള്ളത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.