ന്യൂഡൽഹി: കേന്ദ്ര സർക്കാർ ജീവനക്കാരുടെയും പെൻഷൻകാരുടെയും ക്ഷാമബത്തയും ക്ഷാമാശ്വാസവും മൂന്ന് ശതമാനം വർധിപ്പിക്കാൻ കേന്ദ്ര മന്ത്രിസഭ തീരുമാനിച്ചു. ഇതോടെ അടിസ്ഥാന ശമ്പളത്തിന്റെയും പെൻഷന്റെയും 60 ശതമാനമായിരുന്ന നിരക്ക് 63 ശതമാനമായി ഉയരും. വിലക്കയറ്റത്തിന്റെ ആഘാതം ലഘൂകരിക്കുകയാണ് വർധനയുടെ ലക്ഷ്യം.
2026 ജൂലൈ ഒന്നുമുതൽ പ്രാബല്യത്തിൽ വരുന്ന തീരുമാനത്തിന്റെ പ്രയോജനം 48.54 ലക്ഷം കേന്ദ്ര സർക്കാർ ജീവനക്കാർക്കും 68.71 ലക്ഷം പെൻഷൻകാർക്കും ലഭിക്കുമെന്നാണ് റിപ്പോർട്ട്. ജീവനക്കാരുടെയും പെൻഷൻകാരുടെയും കുടുംബങ്ങളുടെ സാമ്പത്തിക ബാധ്യത കുറയ്ക്കാൻ ഈ വർധന സഹായകമാകും.
ക്ഷാമബത്ത വർധനയ്ക്കായി കേന്ദ്ര സർക്കാരിന് പ്രതിവർഷം ഏകദേശം 10,016 കോടി രൂപയുടെ അധിക ചെലവുണ്ടാകുമെന്നാണ് കണക്ക്. വിലക്കയറ്റവും ജീവിതച്ചെലവിലെ മാറ്റങ്ങളും കണക്കിലെടുത്ത് ജീവനക്കാർക്കും പെൻഷൻകാർക്കും നൽകുന്ന ആനുകൂല്യങ്ങൾ പരിഷ്കരിക്കുന്നതിന്റെ ഭാഗമായാണ് തീരുമാനം.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.