തിരുവനന്തപുരം: മധുര–ഗുരുവായൂർ എക്സ്പ്രസിൽ വിസ്റ്റാഡോം കോച്ച് ഘടിപ്പിച്ച് സർവീസ് നടത്താൻ റെയിൽവേ തീരുമാനിച്ചതായി റിപ്പോർട്ട്. ഒക്ടോബർ 22 മുതൽ ഗുരുവായൂരിൽനിന്ന് കൊല്ലം, പുനലൂർ, ചെങ്കോട്ട വഴി മധുരയിലേക്കുള്ള യാത്രയിൽ കോച്ച് ലഭ്യമാകും. ഈ ദിശയിലെ സർവീസ് 2027 ജനുവരി 15 വരെ തുടരുമെന്നാണ് റിപ്പോർട്ട്.
മധുരയിൽനിന്ന് ഗുരുവായൂരിലേക്കുള്ള സർവീസിൽ ഒക്ടോബർ 23 മുതൽ 2027 ജനുവരി 16 വരെ വിസ്റ്റാഡോം കോച്ച് ഘടിപ്പിക്കുമെന്നും വിവരമുണ്ട്. വലിയ ഗ്ലാസ് ജനാലകളുള്ള എസി ചെയർകാർ കോച്ചിലൂടെ മലനിരകൾ, തുരങ്കങ്ങൾ, നദീതീരങ്ങൾ എന്നിവയുടെ കാഴ്ചകൾ ആസ്വദിച്ച് യാത്ര ചെയ്യാനാകും. സീറ്റുകൾ 180 ഡിഗ്രിവരെ തിരിക്കാവുന്ന സംവിധാനവും കോച്ചിന്റെ പ്രത്യേകതയാണ്.
ടിക്കറ്റ് ബുക്കിങ് ആരംഭിച്ചിട്ടില്ലെന്നാണ് ലഭ്യമായ വിവരം. ടിക്കറ്റ് നിരക്കിനെക്കുറിച്ചുള്ള ഔദ്യോഗിക സ്ഥിരീകരണവും ലഭ്യമായിട്ടില്ല. യാത്രാ സൗകര്യം വിനോദസഞ്ചാരികൾക്ക് പുതിയ അനുഭവം നൽകുമെന്നാണ് പ്രതീക്ഷ.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.