പത്തനംതിട്ട: 28കാരിയായ യുവതിയെ വിവാഹവാഗ്ദാനം നൽകി ഒപ്പം താമസിപ്പിക്കുകയും ഗർഭിണിയായതോടെ വിവാഹവാഗ്ദാനത്തിൽനിന്ന് പിന്മാറുകയും ചെയ്തെന്ന പരാതിയിൽ പത്തനംതിട്ട ജില്ലാ ക്രൈം റെക്കോർഡ്സ് ബ്യൂറോ (ഡിസിആർബി) സിഐ ടി.കെ. വിനോദ് കൃഷ്ണയെ സസ്പെൻഡ് ചെയ്തു. തിരുവനന്തപുരം റേഞ്ച് ഐജിയാണ് നടപടി സ്വീകരിച്ചത്.
വിനോദ് കൃഷ്ണ എലവുംതിട്ട സ്റ്റേഷനിൽ സിഐയായി സേവനമനുഷ്ഠിച്ചിരുന്നപ്പോഴാണ് പത്തനംതിട്ട സ്വദേശിനിയായ യുവതിയുമായി പരിചയത്തിലായതെന്ന് റിപ്പോർട്ടിൽ പറയുന്നു. തുടർന്ന് തിരുവനന്തപുരം ജില്ലയിലേക്ക് സ്ഥലംമാറ്റം ലഭിച്ചപ്പോൾ യുവതിയെ ഒപ്പം താമസിപ്പിച്ചെന്നും പൊലീസ് ക്വാർട്ടേഴ്സിൽ ഭാര്യയെന്ന നിലയിൽ പരിചയപ്പെടുത്തിയെന്നും പരാതിയിലുണ്ട്.
ഒരു കേസിന്റെ അന്വേഷണവുമായി ബന്ധപ്പെട്ട് ഹൈദരാബാദിലേക്ക് പോയപ്പോഴും യുവതിയെ ഒപ്പം കൊണ്ടുപോയെന്നാണ് റിപ്പോർട്ട്. ആദ്യ ഭാര്യയുമായി വിവാഹമോചനം നേടിയശേഷം യുവതിയെ വിവാഹം കഴിക്കാമെന്ന് വാഗ്ദാനം നൽകിയിരുന്നതായും പരാതിയിൽ പറയുന്നു.
യുവതി ഗർഭിണിയായതോടെ വിവാഹവാഗ്ദാനത്തിൽനിന്ന് ഉദ്യോഗസ്ഥൻ പിന്മാറിയെന്നാണ് ആരോപണം. തുടർന്ന് യുവതി ഉന്നത പൊലീസ് ഉദ്യോഗസ്ഥർക്ക് പരാതി നൽകുകയായിരുന്നു. ജില്ലാ പൊലീസ് മേധാവിയുടെ പ്രാഥമിക അന്വേഷണ റിപ്പോർട്ടിന്റെ അടിസ്ഥാനത്തിലാണ് സസ്പെൻഷൻ നടപടി.
ഉദ്യോഗസ്ഥനെതിരെ ക്രിമിനൽ കേസ് രജിസ്റ്റർ ചെയ്യുന്ന കാര്യവും പൊലീസ് പരിശോധിച്ചുവരികയാണ്. ക്രിമിനൽ നടപടികളിലേക്ക് കടക്കേണ്ടതില്ലെന്നാണ് യുവതിയുടെ നിലപാടെന്നും റിപ്പോർട്ടിൽ പറയുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.