തിരുവനന്തപുരം: കേരള വഖഫ് ബോർഡ് പുനഃസംഘടിപ്പിച്ച് മുസ്‌ലിം ലീഗ് നേതാവ് എം.സി. മായിൻഹാജിയെ ചെയർമാനായി നിയമിച്ചു. ഒൻപതംഗ ബോർഡിൽ എം.എൽ.എമാരുടെ പ്രതിനിധിയായി കുറുക്കോളി മൊയ്തീനെയും ഉൾപ്പെടുത്തിയിട്ടുണ്ട്. ജമാഅത്തെ ഇസ്‌ലാമിക്ക് ആദ്യമായി ബോർഡിൽ പ്രാതിനിധ്യം ലഭിച്ചതായും റിപ്പോർട്ടുണ്ട്.
ബോർഡ് അംഗങ്ങളുടെ യോഗ്യതയും വിവിധ വിഭാഗങ്ങൾക്കുള്ള പ്രാതിനിധ്യവും സംബന്ധിച്ച പരാതികൾ ഉയർന്നതിനെത്തുടർന്നാണ് പുനഃസംഘടന. ബോർഡിന്റെ പ്രവർത്തനങ്ങൾക്ക് ഹൈക്കോടതി നേരത്തേ താൽക്കാലിക വിലക്ക് ഏർപ്പെടുത്തിയിരുന്നു. പ്രശ്നങ്ങൾ പരിഹരിച്ച് ആവശ്യമായ നടപടികൾ സ്വീകരിക്കണമെന്നും കോടതി നിർദേശിച്ചിരുന്നു.
പുതിയ വഖഫ് നിയമഭേദഗതിപ്രകാരം രണ്ട് അമുസ്‌ലിം അംഗങ്ങളെ ഉൾപ്പെടുത്തണമെന്ന വ്യവസ്ഥയിൽ സർക്കാർ ഇതുവരെ തീരുമാനമെടുത്തിട്ടില്ല. സുപ്രീംകോടതിയുടെ ഉത്തരവിന് ശേഷമേ ഇക്കാര്യത്തിൽ തുടർനടപടികൾ സ്വീകരിക്കൂ എന്നാണ് സർക്കാരിന്റെ നിലപാട്.
പുനഃസംഘടനയോടെ ബോർഡിന്റെ പ്രവർത്തനങ്ങൾ പുനരാരംഭിക്കുന്നതിനുള്ള വഴിതുറന്നെങ്കിലും പുതിയ തീരുമാനത്തിനെതിരെ നിയമപരമായ വെല്ലുവിളികൾ ഉയരുമോയെന്നത് ശ്രദ്ധേയമാണ്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.