പാലാ: പാരമ്പര്യ ആയോധനകലാ കേന്ദ്രമായ മുരിക്കുംപുഴ സി.എസ്.കെ. കളരിയിൽ വിജയദശമി ദിനത്തിലെ ആയുധപൂജയും പുതിയ ബാച്ചിലേക്കുള്ള പ്രവേശനവും ഒക്ടോബർ 21 ബുധനാഴ്ച രാവിലെ 9:30-ന് നടക്കും.
യശശ്ശരീരനായ ആചാര്യ സി. എഫ്. സ്കറിയ ഗുരുക്കളുടെ അസാന്നിധ്യത്തിൽ ആചാര്യ കെ. പി. സുരേഷ് ഗുരുക്കൾ ചടങ്ങിൽ ഗുരുദക്ഷിണ സ്വീകരിക്കും.
സ്ത്രീകൾക്കും കുട്ടികൾക്കും പ്രത്യേക ബാച്ചുകളിലായി കളരിപ്പയറ്റ് പരിശീലനം നൽകും. ശാരീരികക്ഷമതയ്ക്കും സ്വയരക്ഷയ്ക്കും ഒപ്പം യുവതലമുറയെ ലഹരിയിൽ നിന്ന് അകറ്റുന്നതിനും ഏകാഗ്രതയും സൽസ്വഭാവവും വളർത്തുന്നതിനും കളരിപ്പയറ്റ് വലിയ പങ്കുവഹിക്കുന്നുണ്ടെന്ന് സംഘാടകർ അറിയിച്ചു. പാരമ്പര്യ മർമ്മചികിത്സ, തിരുമ്മൽ, ഉളുക്ക്, ചതവ് തുടങ്ങിയവയ്ക്കുള്ള ചികിത്സകളും കളരിയോടനുബന്ധിച്ച് ലഭ്യമാണ്.
കളരിയുടെ പുതിയ ബാച്ച് പ്രവേശനത്തിനും വിജയദശമി ആയുധപൂജയ്ക്കും പാലാ നഗരസഭ മുരിക്കുംപുഴ വാർഡ് കൗൺസിലർ ബിജു പുളിക്കകണ്ടം ആശംസകൾ അറിയിച്ചു.
കൂടുതൽ വിവരങ്ങൾക്കും രജിസ്ട്രേഷനും 9447761951 (സി. ആർ. റിമേഷ് രാജൻ) എന്ന നമ്പറിൽ ബന്ധപ്പെടാവുന്നതാണ്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.