കൊച്ചി: ബാലഗോകുലത്തിന്റെ സ്ഥാപകനും മുതിർന്ന ആർഎസ്എസ് പ്രചാരകനുമായ എംഎ.കൃഷ്ണൻ (97) അന്തരിച്ചു. വാർദ്ധക്യസഹജമായ അസുഖങ്ങളെത്തുടർന്ന് കൊച്ചി അമൃത ആശുപത്രിയിൽ ചികിത്സയിലിരിക്കെ ചൊവ്വാഴ്ചയായിരുന്നു അന്ത്യം.
ബാലഗോകുലത്തിന് പുറമെ തപസ്യ കലാസാഹിത്യ വേദി, അമൃതഭാരതി, ബാലസംസ്കാര കേന്ദ്രം, ബാലസാഹിതി പ്രകാശൻ, ഇന്റർനാഷണൽ ശ്രീകൃഷ്ണ കേന്ദ്രം, കുട്ടികളുടെ അവകാശ സംരക്ഷണ പ്രസ്ഥാനമായ സൗരക്ഷിക എന്നിവയുടെയെല്ലാം സ്ഥാപകനും പ്രേരകശക്തിയുമായിരുന്നു.
ആർഎസ്എസ് പ്രാന്ത ബൗദ്ധിക് പ്രമുഖ്, പ്രചാർ പ്രമുഖ് എന്നീ നിലകളിൽ ദീർഘകാലം സംഘടനാ ചുമതലകൾ വഹിച്ച അദ്ദേഹം ആർഎസ്എസ് മുഖപത്രമായ 'കേസരി'യുടെ പത്രാധിപരായും മികവുറ്റ പ്രവർത്തനം കാഴ്ചവെച്ചു.
1929 ജനുവരി 17-ന് കൊല്ലം ജില്ലയിലെ അയൂർകാലയിലാണ് എം.എ. കൃഷ്ണൻ ജനിച്ചത്. കോട്ടയം വാഴൂർ ഹൈസ്കൂളിൽ അധ്യാപകനായി ഔദ്യോഗിക ജീവിതം ആരംഭിച്ച അദ്ദേഹം 1954-ലാണ് അധ്യാപക ജോലി ഉപേക്ഷിച്ച് ആർഎസ്എസ് പൂർണ്ണസമയ പ്രചാരകനായി ഇറങ്ങിയത്. കോട്ടയം, എറണാകുളം, ആലപ്പുഴ, കൊല്ലം ജില്ലകളിൽ സംഘപ്രവർത്തനത്തിന് നേതൃത്വം നൽകി.
1964-ൽ കേസരി പത്രാധിപത്യം ഏറ്റെടുത്ത അദ്ദേഹം മലബാറിലെ ക്ഷേത്രങ്ങളുടെ സംരക്ഷണം, മതപരിവർത്തനം തുടങ്ങിയ വിഷയങ്ങളിൽ ശ്രദ്ധേയമായ ലേഖന പരമ്പരകൾ രചിച്ചു. ഭാരതപ്പുഴയുടെ സംരക്ഷണത്തിനായി അദ്ദേഹം തയ്യാറാക്കിയ 'നിളയുടെ ഇതിഹാസം' എന്ന പ്രത്യേക പതിപ്പ് ഏറെ ശ്രദ്ധ നേടിയിരുന്നു.
കൊൽക്കത്ത ബഡാബസാർ ലൈബ്രറിയുടെ വിവേകാനന്ദ സേവാ സമ്മാൻ (2008), വീരശ്രീ വേലുത്തമ്പി സ്മാരക സേവാ പുരസ്കാരം ഉൾപ്പെടെ നിരവധി ബഹുമതികൾ അദ്ദേഹത്തെ തേടിയെത്തിയിട്ടുണ്ട്. അവസാന കാലത്ത് എളമക്കരയിലെ ആർഎസ്എസ് കാര്യാലയമായ മാധവ നിവാസിലായിരുന്നു അദ്ദേഹം
താമസിച്ചിരുന്നത്. ഭൗതികശരീരം പൊതുദർശനത്തിന് വെച്ച ശേഷം സംസ്കാരം ബുധനാഴ്ച വൈകുന്നേരം കൊല്ലം ജില്ലയിലെ പുത്തൻഅമ്പലത്തിന് സമീപമുള്ള ഐവർകാലയിലെ തറവാട്ട് വീട്ടിൽ നടക്കും..
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.