പാട്ന: ബിഹാറില് വീണ്ടും പെണ്കുട്ടിക്ക് നേരേ അതിക്രമം. ബിഹാറിലെ വിനോദസഞ്ചാര കേന്ദ്രമായ ബങ്കയിലെ മന്തർപർവതിലാണ് സംഭവം.ഇതിന്റെ ദൃശ്യങ്ങള് പുറത്തുവന്നതോടെ ദൃശ്യങ്ങളിലുള്ള ആറ് യുവാക്കളെ പ്രതികളാക്കി പൊലീസ് കേസെടുത്തു.
ഒരുസംഘം യുവാക്കള് പെണ്കുട്ടിയെ പരസ്യമായി ഉപദ്രവിക്കുന്നതും പെണ്കുട്ടിയോട് മോശമായി പെരുമാറുന്നതുമാണ് പുറത്തുവന്ന ദൃശ്യങ്ങളിലുള്ളത്. ഇതിനിടെ ചിലർ പെണ്കുട്ടിയെ മർദിക്കുന്നതും ദൃശ്യങ്ങളില് കാണാം.
പെണ്കുട്ടിയുടെ സുഹൃത്തെന്ന് കരുതുന്നയാളും ദൃശ്യങ്ങളിലുണ്ടെന്ന് കരുതുന്നു. അതേസമയം, കഴിഞ്ഞദിവസം പുറത്തുവന്ന ദൃശ്യങ്ങള് ആറുമാസം മുൻപെങ്കിലും ചിത്രീകരിച്ചതെന്നാണ് പൊലീസിന്റെ നിഗമനം.
വീഡിയോ വൈറലായതോടെ സംഭവം നടന്ന സ്ഥലവും മറ്റും പൊലീസ് അന്വേഷണം നടത്തി തിരിച്ചറിഞ്ഞു. വീഡിയോയില് ഉള്പ്പെട്ടവർക്കായി അന്വേഷണം ആരംഭിച്ചതായും സംഭവത്തില് സ്വമേധയാ എഫ്ഐആർ രജിസ്റ്റർ ചെയ്തതായും പൊലീസ് അറിയിച്ചു.
അതിനിടെ, സമസ്തിപുരില് പെണ്കുട്ടിയെ പരസ്യമായി ഉപദ്രവിച്ച സംഭവത്തില് നാലുപേരെ പൊലീസ് അറസ്റ്റ് ചെയ്തു. പോക്സോ വകുപ്പുകളടക്കം ചുമത്തിയാണ് ഇവരെ അറസ്റ്റ് ചെയ്തത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.