ശബരിമലയിലെ സ്വർണക്കിരീടവും കവർന്നു: 55 പവൻ്റെ സ്വർണക്കിരീടത്തിന് പകരം സ്ട്രോങ് റൂമിൽ മുക്കുപണ്ടമെന്ന് റിപ്പോർട്ട്

പപത്തനംതിട്ട: ശബരിമലയിലെ സ്വർണക്കിരീടവും കവർന്നതായി സൂചന. തമിഴ്നാട്ടില്‍ നിന്നുള്ള ഭക്തർ 2012 ല്‍ സമർപ്പിച്ച 55. 72 പവൻ തൂക്കമുള്ള സ്വർണക്കിരീടം ആണ് കാണാതായത്.

ദേവസ്വം രജിസ്റ്ററില്‍ സ്വർണക്കിരീടത്തിന്‍റെ കണക്കുണ്ടെങ്കിലും ആറന്മുളയിലെ സ്ട്രോങ്ങ് റൂമില്‍ ഉള്ളത് മുക്കുപണ്ടം എന്നാണ് വിവരം. സ്വർണ്ണകൊള്ളയുടെ പശ്ചാത്തലത്തില്‍ ഹൈക്കോടതി നിയോഗിച്ച അമിക്കസ് ക്യുരിയുടെ കണക്കെടുപ്പ് തുടരുന്നതിനിടെയാണ് കിരിടം നഷ്ടമായെന്ന കണ്ടെത്തല്‍. അന്തിമ പരിശോധനാ റിപ്പോർട്ട് ഉടൻ ഹൈക്കോടതിയില്‍ സമർപ്പിക്കും.

ശബരിമലയില്‍ ഭക്തർ സമർപ്പിക്കുന്ന വിലപിടിപ്പുള്ള വസ്തുക്കള്‍ അവിടുത്തെ സ്ട്രോങ്ങ് റൂമില്‍ സൂക്ഷിക്കാതെ ആറന്മുളയിലെ സുരക്ഷിതമായ സ്ട്രോങ്ങ് റൂമിലേക്ക് മാറ്റണമെന്നാണ് ചട്ടം. എന്നാല്‍ സ്വർണ്ണകിരീടം ആറന്മുളയില്‍ എത്തിയില്ലെന്നാണ് വിവരം.