മാസപ്പടി കേസ്, ഇഡി നൽകിയ കത്തിൽ എഫ്ഐആർ ഇടാത്തതിനെതിരായ ഹർജി ഇന്ന് ഹൈക്കോടതിയിൽ,

തിരുവനന്തപുരം: മാസപ്പടി കേസില്‍ ഇഡി നല്‍കിയ കത്തില്‍ എഫ്‌ഐആർ ഇടാത്തതിനെതിരായ ഹർജി ഇന്ന് ഹൈക്കോടതിയില്‍.

പൊതുപ്രവർത്തകൻ കെഎം ഷാജഹാൻ നല്‍കിയ ഹർജിയാണ് ഇന്ന് കോടതി പരിഗണിക്കുന്നത്. ബാങ്ക് രേഖകള്‍ ഉള്‍പ്പെടെ തെളിവുകള്‍ ഇഡി നല്‍കിയിട്ടും എഫ്‌ഐആർ രജിസ്റ്റർ ചെയ്യാത്തത് ഒത്തുകളി എന്നാണ് ഹർജിയിലെ ആരോപണം.

ഇഡിയുടെ റിപ്പോർട്ടിലും കൈമാറിയ തെളിവുകളിലും പ്രാഥമിക അന്വേഷണം ആവശ്യമില്ലെന്നും വ്യക്തമായ തെളിവുകൾ ലഭിച്ച സാഹചര്യത്തിൽ നേരിട്ട് കേസ് രജിസ്റ്റർ ചെയ്യേണ്ടതായിരുന്നുവെന്നും ഹർജിക്കാരൻ ചൂണ്ടിക്കാട്ടുന്നു. നിലവിൽ ഇഡി റിപ്പോർട്ടിന്റെ അടിസ്ഥാനത്തിൽ അന്വേഷണം നടത്താൻ സംസ്ഥാന പൊലീസ് മേധാവിക്ക് സർക്കാർ നിർദേശം നൽകിയിട്ടുണ്ട്.