ന്യൂഡൽഹി: ഫുക്കെറ്റിൽ നിന്ന് ഡൽഹിയിലേക്ക് പറക്കുമ്പോൾ വഴിയിൽ പെട്ടെന്ന് താഴേക്ക് പതിക്കുകയും ചെയ്ത എയർ ഇന്ത്യ വിമാനത്തിന്റെ പൈലറ്റ് ലഹരി ഉപയോഗിച്ചതായി കണ്ടെത്തൽ. ഇതുസംബന്ധിച്ച എയർക്രാഫ്റ്റ് ആക്സിഡന്റ് ഇൻവെസ്റ്റിഗേഷൻ ബ്യൂറോയുടെ (AAIB) പ്രാഥമിക അന്വേഷണ റിപ്പോർട്ട് പുറത്തുവന്നു.
കഴിഞ്ഞ മാസം നടന്ന സംഭവത്തിൽ വിമാനത്തിന്റെ പൈലറ്റ്-ഇൻ-കമാൻഡ് നടത്തിയ ലഹരി പരിശോധനയിൽ ഫലം പോസിറ്റീവ് (നോൺ-നെഗറ്റീവ്) ആണെന്ന് കണ്ടെത്തിയതായി റിപ്പോർട്ടിൽ വ്യക്തമാക്കുന്നു. മാനസികമായി ഉണർവ് നൽകുന്ന ലഹരി വസ്തുക്കളുടെ ഉപയോഗം ഗുരുതരമായ വിഷയമാണെന്ന് വിലയിരുത്തിയ എഎഐബി, വ്യോമയാന ഡയറക്ടറേറ്റ് ജനറലിനോട് (DGCA) അടിയന്തര നടപടി സ്വീകരിക്കാൻ ശുപാർശ ചെയ്തിട്ടുണ്ട്.
ആഗസ്റ്റ് 4-നാണ് ഫുക്കെറ്റിൽ നിന്നും 145 യാത്രക്കാരുമായി പുറപ്പെട്ട എയർ ഇന്ത്യയുടെ എഐ2379 സർവീസ് വഴിമധ്യേ പെട്ടെന്ന് 300 അടി താഴേക്ക് പതിച്ചത്. സംഭവത്തിൽ യാത്രക്കാരും ജീവനക്കാരുമടക്കം 24 പേർക്ക് പരിക്കേറ്റിരുന്നു. വിമാനത്തിലെ ഹൈഡ്രോളിക് സിസ്റ്റത്തിലുണ്ടായ തകരാറാണ് പെട്ടെന്നുള്ള ഉയരവ്യത്യാസത്തിന് കാരണമെന്ന് കണ്ടെത്തിയിട്ടുണ്ടെങ്കിലും, പൈലറ്റിന്റെ ലഹരി ഉപയോഗം വ്യോമയാന സുരക്ഷാ രംഗത്ത് വലിയ ആശങ്കകൾക്ക് വഴിവെച്ചിട്ടുണ്ട്. സംഭവത്തെ തുടർന്ന് എയർ ഇന്ത്യ തങ്ങളുടെ മുഴുവൻ പൈലറ്റുമാരുടെയും സ്വമേധയാ ഉള്ള ലഹരി പരിശോധനകൾ കർശനമാക്കിയിട്ടുണ്ട്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.