തിരുവനന്തപുരം: സ്കൂളിൽ വെച്ച് അധ്യാപകൻ മുഖത്തടിച്ചതിനെ തുടർന്ന് പതിനാറുകാരന്റെ കണ്ണിൽ രക്തം കട്ടപിടിച്ചു. സംഭവത്തിന് പിന്നാലെ വിദ്യാർത്ഥിക്ക് ടിസി (ട്രാൻസ്ഫർ സർട്ടിഫിക്കറ്റ്) നൽകി സ്കൂളിൽ നിന്ന് പുറത്താക്കുമെന്ന് അധ്യാപകൻ ഭീഷണിപ്പെടുത്തിയതായും കുടുംബം ആരോപിച്ചു.
ക്ലാസ് മുറിക്കുള്ളിലുണ്ടായ ചെറിയൊരു തർക്കത്തെ തുടർന്നാണ് അധ്യാപകൻ വിദ്യാർത്ഥിക്ക് നേരെ അതിക്രമം കാട്ടിയത്. അധ്യാപകന്റെ ശക്തമായ മർദ്ദനത്തിൽ കുട്ടിയുടെ കണ്ണിനും മുഖത്തും ഗുരുതരമായി പരുക്കേറ്റു. തുടർന്ന് നടത്തിയ പരിശോധനയിലാണ് കണ്ണിനുള്ളിൽ രക്തം കട്ടപിടിച്ചതായി കണ്ടെത്തിയത്. വിദ്യാർത്ഥി നിലവിൽ ആശുപത്രിയിൽ ചികിത്സയിലാണ്.
സംഭവത്തിൽ സ്കൂൾ അധികൃതർക്കെതിരെയും കുറ്റക്കാരനായ അധ്യാപകനെതിരെയും നിയമനടപടി സ്വീകരിക്കാൻ ഒരുങ്ങുകയാണ് കുടുംബം. കുട്ടികളുടെ സുരക്ഷ ഉറപ്പാക്കേണ്ട സ്കൂളിൽ അധ്യാപകന്റെ ഭാഗത്തുനിന്നും ഇത്തരത്തിലുള്ള അക്രമം ഉണ്ടായത് വലിയ പ്രതിഷേധത്തിന് വഴിവെച്ചിട്ടുണ്ട്. വിഷയം ബാലാവകാശ കമ്മീഷന്റെയും വിദ്യാഭ്യാസ വകുപ്പിന്റെയും ശ്രദ്ധയിൽപ്പെടുത്തുമെന്നും മാതാപിതാക്കൾ വ്യക്തമാക്കി.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.