കൊച്ചി: രാജ്യത്തെ പ്രാദേശിക വ്യോമയാന വിപണിയിൽ സാന്നിധ്യം ശക്തമാക്കാൻ ലക്ഷ്യമിട്ട് മലയാളി സംരംഭകരുടെ പിന്തുണയോടെ പ്രവർത്തിക്കുന്ന വിമാനക്കമ്പനിയായ ഫ്ലൈ91 (FLY91). അടുത്ത അഞ്ച് വർഷത്തിനുള്ളിൽ രാജ്യത്തുടനീളമുള്ള 50-ഓളം നഗരങ്ങളിലേക്ക് തങ്ങളുടെ സർവീസുകൾ വ്യാപിപ്പിക്കാനാണ് കമ്പനിയുടെ പുതിയ തീരുമാനം.
ഇതിന്റെ ഭാഗമായി മംഗളൂരു ഉൾപ്പെടെയുള്ള പ്രധാന റൂട്ടുകളിലേക്കും കേരളത്തിലെ കണ്ണൂരിലേക്കും ഉടൻ തന്നെ പുതിയ സർവീസുകൾ ആരംഭിക്കുമെന്ന് എയർലൈൻ അധികൃതർ വ്യക്തമാക്കി.
നിലവിലുള്ള ചെറിയ വിമാനങ്ങളുടെ നിര വിപുലപ്പെടുത്തി ആധുനിക രീതിയിലുള്ള കൂടുതൽ വിമാനങ്ങളെ സർവീസിനായി എത്തിക്കാനാണ് കമ്പനി ലക്ഷ്യമിടുന്നത്. രാജ്യത്തെ ടയർ-2, ടയർ-3 നഗരങ്ങൾ തമ്മിലുള്ള വ്യോമബന്ധം മെച്ചപ്പെടുത്തുക എന്ന ലക്ഷ്യത്തോടെയാണ് ഫ്ലൈ91 പ്രവർത്തനങ്ങൾ മുന്നോട്ട് കൊണ്ടുപോകുന്നത്.
ചെറുകിട നഗരങ്ങളെയും പ്രധാന വിമാനത്താവളങ്ങളെയും തമ്മിൽ ബന്ധിപ്പിക്കുന്ന പുതിയ റൂട്ടുകൾ നിലവിൽ വരുന്നതോടെ കേരളത്തിലേക്കും കർണാടകത്തിലേക്കും ഉൾപ്പെടെയുള്ള യാത്രാസൗകര്യങ്ങൾ കൂടുതൽ എളുപ്പമാകും. പ്രാദേശിക റൂട്ടുകളിൽ യാത്രാക്ലേശം പരിഹരിക്കാനും സാധാരണക്കാർക്ക് മിതമായ നിരക്കിൽ വിമാനയാത്ര ലഭ്യമാക്കാനും കമ്പനിയുടെ ഈ വിപുലീകരണ പദ്ധതികൾ സഹായകരമാകുമെന്നാണ് വ്യോമയാന മേഖലയുടെ വിലയിരുത്തൽ.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.