കുവൈത്ത് സിറ്റി: കുവൈത്തിൽ ഫാം കേന്ദ്രീകരിച്ച് വ്യാജമദ്യം നിർമിക്കുകയും വിൽപന നടത്തുകയും ചെയ്ത കേസിൽ നാല് പ്രവാസികൾ അറസ്റ്റിൽ. ജഹ്‌റ ഗവർണറേറ്റിലെ അബ്ദലി റോഡിനോട് ചേർന്നുള്ള മരുഭൂമിയിലെ ഒരു ഫാമിലാണ് അധികൃതർ റെയ്ഡ് നടത്തി പ്രതികളെ പിടികൂടിയത്.
രഹസ്യവിവരത്തിന്റെ അടിസ്ഥാനത്തിൽ ക്രിമിനൽ ഇൻവെസ്റ്റിഗേഷൻ ഡിപ്പാർട്ട്മെന്റ് (സി.ഐ.ഡി) നടത്തിയ നീക്കത്തിനൊടുവിലാണ് അനധികൃത മദ്യനിർമാണ കേന്ദ്രം കണ്ടെത്തിയത്. ഫാമിൽ മദ്യം നിർമിച്ചുകൊണ്ടിരിക്കുകയായിരുന്ന മൂന്ന് പേരെ പൊലീസ് കസ്റ്റഡിയിലെടുത്തു. മദ്യം വാങ്ങാനായി അവിടെയെത്തിയ നാലാമത്തെയാളും പിടിയിലായിട്ടുണ്ട്.
പ്രതികളിൽ നിന്ന് മദ്യം നിറച്ച നൂറുകണക്കിന് പ്ലാസ്റ്റിക് കുപ്പികളും വാറ്റുപകരണങ്ങളും അസംസ്‌കൃത വസ്തുക്കളും പിടിച്ചെടുത്തിട്ടുണ്ട്. പിടിയിലായവരിൽ ചിലർക്ക് നിലവിൽ മറ്റ് വഞ്ചനാകേസുകളിലും അറസ്റ്റ് വാറന്റുള്ളതായി അന്വേഷണത്തിൽ വ്യക്തമായിട്ടുണ്ട്. സംഭവത്തിൽ ഉൾപ്പെട്ടവർക്കെതിരെ കർശന നിയമനടപടികൾ സ്വീകരിച്ചതായി കുവൈത്ത് ആഭ്യന്തര മന്ത്രാലയം അറിയിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.