പാലാ - തൊടുപുഴ റോഡിൽ പിക്കപ്പും ലോറിയും കൂട്ടിയിടിച്ചു; നാല് പേർക്ക് പരുക്ക്

പാലാ: പാലാ - തൊടുപുഴ റൂട്ടിൽ മാനത്തൂരിൽ പിക്കപ്പ് വാനും ലോറിയും കൂട്ടിയിടിച്ച് നാല് പേർക്ക് പരുക്കേറ്റു.

ആലപ്പുഴ സ്വദേശികളായ വിപിൻ ജോർജ് (34), വിനീത (28), രാഹുൽ (29), നിവ്യ (30) എന്നിവർക്കാണ് അപകടത്തിൽ പരുക്കേറ്റത്.

​ഇന്നു ഉച്ചകഴിഞ്ഞ് മൂന്ന് മണിയോടെയായിരുന്നു അപകടം. ഇവർ സഞ്ചരിച്ചിരുന്ന ക്യാബിൻ പിക്കപ്പ് വാൻ എതിർദിശയിൽ വന്ന ലോറിയുമായി കൂട്ടിയിടിക്കുകയായിരുന്നു. 

അപകടത്തിൽ പരുക്കേറ്റ നാലുപേരെയും ഉടൻ തന്നെ ചേർപ്പുങ്കൽ മാർ സ്ലീവാ മെഡിസിറ്റിയിൽ പ്രവേശിപ്പിച്ചു.