ന്യൂഡൽഹി: 24 മണിക്കൂറിലധികം തുടർച്ചയായി ബ്രോഡ്ബാൻഡ് ഇന്റർനെറ്റ് മുടങ്ങുകയോ സ്പീഡ് ഗണ്യമായി കുറയുകയോ ചെയ്താൽ ഉപയോക്താക്കൾക്ക് നഷ്ടപരിഹാരത്തിന് വഴിയൊരുങ്ങുന്നു. ടെലികോം സേവന ഗുണനിലവാരചട്ടത്തിൽ ഇതടക്കം ഭേദഗതികളോടെ കരടുചട്ടം ടെലികോം റഗുലേറ്ററി അതോറിറ്റി (ട്രായ്) പ്രസിദ്ധീകരിച്ചു.
ഒരു ജില്ലയാകെ മൊബൈൽ സേവനം 24 മണിക്കൂറെങ്കിലും മുടങ്ങിയാൽ മാത്രമേ ഇതുവരെ നഷ്ടപരിഹാരത്തിന് അർഹതയുണ്ടായിരുന്നുള്ളൂ. ഇതിനു പകരം ഒരു സർവീസ് ഏരിയയിലെ 10 ശതമാനമെങ്കിലും ഉപയോക്താക്കൾക്ക് തുടർച്ചയായി 24 മണിക്കൂർ ഇന്റർനെറ്റ് സേവനം തടസ്സപ്പെടുകയോ വേഗം 20 ശതമാനമെങ്കിലും കുറയുകയോ ചെയ്താൽ നഷ്ടപരിഹാരം ലഭിക്കും.
തത്തുല്യമായ ദിവസവാടക അടുത്ത ബില്ലിൽ ഇളവു ചെയ്യും, തുടർച്ചയായി 4 മണിക്കൂറെങ്കിലും സേവനം മുടങ്ങിയാൽ ടെലികോം വകുപ്പിനെ കമ്പനികൾ അറിയിച്ചിരിക്കണമെന്നും വ്യവസ്ഥയുണ്ട്.
ബില്ലിങ്, റീചാർജിങ് പരാതികൾ പരിഹരിക്കാനുള്ള സമയപരിധി 4 ആഴ്ചയായിരുന്നത് ഒരാഴ്ചയാക്കും.
∙ നെറ്റ്വർക്ക് പ്രശ്നം നേരിടുമ്പോൾ ടെലികോം/ബ്രോഡ്ബാൻഡ് കമ്പനികൾ ‘പ്രശ്നം പരിഹരിക്കുന്നു’ എന്ന മട്ടിൽ ഉപയോക്താക്കൾക്ക് മെസേജ് അയയ്ക്കാറുണ്ട്.
എന്നാൽ ഈ സമയത്ത് ഉപയോക്താക്കൾക്ക് പരാതി നൽകാനുള്ള സംവിധാനം കമ്പനികൾ ഡിസേബിൾ ചെയ്യാറുണ്ട്. മേലിൽ അതു പാടില്ല.
∙ ‘സൈലൻസ് കോൾ’ ഒരു ശതമാനത്തിൽ താഴെയാക്കണം. (ഫോണെടുത്താലും കുറേനേരം ഇരുവശത്തേക്കും ശബ്ദം കേൾക്കാത്ത അവസ്ഥയാണ് സൈലൻസ് കോൾ).
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.