കടനാട് പഞ്ചായത്തിൽ തോട് ശുചീകരണം പുരോഗമിക്കുന്നു; വെള്ളപ്പൊക്ക ഭീഷണി ഒഴിവാക്കാൻ നടപടി

പാലാ : മഴക്കാലത്ത് പതിവായി വെള്ളക്കെട്ടും വെള്ളപ്പൊക്ക ഭീഷണിയും നേരിടുന്ന കടനാട് ഗ്രാമപഞ്ചായത്തിലെ പത്താം വാർഡിൽ തോടുകളുടെ ശുചീകരണ പ്രവർത്തനങ്ങൾ പുരോഗമിക്കുന്നു.

ജനങ്ങളുടെ ബുദ്ധിമുട്ടുകൾക്ക് പരിഹാരം കാണുന്നതിനായി നടപടികൾ ശക്തമാക്കിയിരിക്കുകയാണ്.മാണി സി. കാപ്പൻ എം.എൽ.എയുടെ നിർദ്ദേശപ്രകാരം ചെറുകിട ജലസേചന വകുപ്പിന്റെ നേതൃത്വത്തിലാണ് പ്രദേശത്ത് ശുചീകരണ പ്രവർത്തനങ്ങൾ നടപ്പിലാക്കുന്നത്.​

തോട് ശുചീകരണം പൂർത്തിയാകുന്നതോടെ പത്താം വാർഡിലെയും സമീപ പ്രദേശങ്ങളിലെയും വെള്ളപ്പൊക്ക ഭീഷണിക്ക് ശാശ്വത പരിഹാരമാകുമെന്നാണ് പ്രതീക്ഷിക്കുന്നതെന്ന് വാർഡ് മെമ്പർ ജ്യോതി ലക്ഷ്മി പറഞ്ഞു.