പ്രവാസി മലയാളി യുവാവ് നിര്യാതനായി

ഫ്രാങ്ക്ഫർട്ട്; ഇടുക്കി കുമിളി സ്വദേശി യുവാവ് ജർമനിയിലെ ഫ്രാങ്ക്ഫർട്ടിൽ അന്തരിച്ചു.

ഒന്നാം മൈൽ കുന്നത്തുപതിയിൽ കെ. ജെ. കുര്യന്റെ മകൻ ജിൻസൺ കുര്യൻ (31) ആണ് മരിച്ചത്. ഹൃദയാഘാതമാണ് മരണകാരണം.ഫ്രാങ്ക്ഫർട്ടിലെ സ്വന്തം വസതിയിൽ കുഴഞ്ഞുവീണ ജിൻസണെ ഉടൻ തന്നെ സമീപത്തുള്ള യൂണിവേഴ്സിറ്റി ക്ലിനിക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. 

ഫ്രാങ്ക്ഫർട്ടിലെ ബെഥേൽ ഇന്റർനാഷനൽ പെന്തെക്കോസ്തു സഭാംഗമായിരുന്നു. ഭാര്യ: റോണാ ഡേവിസ്. മൃതദേഹം നാട്ടിലെത്തിക്കുന്നതുൾപ്പെടെയുള്ള നടപടികൾ പുരോഗമിക്കുകയാണെന്ന് ബന്ധുകൾ അറിയിച്ചു.