ഗൾഫ് രാജ്യങ്ങളിലേക്കുള്ള ചില വിമാന സർവീസുകൾ റദ്ദാക്കി; യാത്രക്കാർ ജാഗ്രത പാലിക്കണമെന്ന് നിർദേശം

അബുദാബി:  പ്രവർത്തനാധിഷ്ഠിത കാരണങ്ങളാൽ വിമാന സർവീസുകൾ നിർത്തിവച്ച് കൂടുതൽ വിമാനക്കമ്പനികൾ. 

ബഹ്റൈൻ, കുവൈത്ത്, സൗദി അറേബ്യ എന്നിവിടങ്ങളിലേക്കുള്ള വിവിധ സർവീസുകളാണ് ഇത്തിഹാദ് എയർവേയ്സും എയർ അറേബ്യയും റദ്ദാക്കിയത്.

വിമാനത്താവളത്തിലേക്ക് പുറപ്പെടുന്നതിന് മുൻപ് ടിക്കറ്റ് വിവരങ്ങളും വിമാനങ്ങളുടെ നിലവിലെ സ്ഥിതിയും പരിശോധിച്ച് ഉറപ്പുവരുത്തണമെന്ന് അധികൃതർ യാത്രക്കാരോട് ആവശ്യപ്പെട്ടു.

അതേസമയം, എമിറേറ്റ്സും ഫ്ലൈ ദുബായും മുൻ നിശ്ചയിച്ച പ്രകാരം സർവീസുകൾ തുടരുന്നുണ്ട്. പ്രാദേശിക തലത്തിൽ അനിശ്ചിതത്വം നിലനിൽക്കുന്നുണ്ടെങ്കിലും യുഎഇയിൽ നിന്നുള്ള വിമാന ഗതാഗതം പൊതുവെ സാധാരണ നിലയിലാണ് മുന്നോട്ടുപോകുന്നത്. 

എന്നാൽ സുരക്ഷാ സാഹചര്യങ്ങൾ നിരന്തരം നിരീക്ഷിച്ചുവരികയാണെന്നും ആവശ്യമായ മാറ്റങ്ങൾ വരുത്തുമെന്നും വിമാനക്കമ്പനികൾ അറിയിച്ചു.