തൃശൂർ: എംഎൽഎയുടെ പേരിൽ കള്ളയൊപ്പിട്ടു നിയമസഭയിൽ നിന്ന് ഓവർടൈം ഡ്യൂട്ടി അലവൻസായി 85,400 രൂപ തട്ടിയെടുത്ത കേസിൽ മുൻ പഴ്സനൽ അസിസ്റ്റന്റ് അറസ്റ്റിൽ. നാട്ടിക മുൻ എംഎൽഎ സി.സി. മുകുന്ദന്റെ പിഎ ആയിരുന്ന മസൂദ് കെ.വിനോദിനെയാണ് അന്തിക്കാട് പൊലീസ് അറസ്റ്റ് ചെയ്തത്.
നാട്ടിക മണ്ഡലത്തിൽ എംഎൽഎയായിരുന്ന സി.സി.മുകുന്ദന് രണ്ടാം തവണ എൽഡിഎഫ് സ്ഥാനാർഥിയാകാനുള്ള അവസരം അട്ടിമറിച്ചത് സിപിഐയിലെ ‘'മസൂദ്’ പ്രശ്നമായിരുന്നു. മുകുന്ദൻ എംഎൽഎ ആയിരുന്ന 2021–24 കാലയളവിൽ പിഎ ആയിരുന്ന മസൂദ് കെ.വിനോദ് എംഎൽഎയുടെ വ്യാജ ഒപ്പിട്ട് സാമ്പത്തിക ക്രമക്കേട് കാട്ടിയെന്നാണ് പരാതിയുയർന്നത്. മസൂദ് പ്രശ്നം സിപിഐയിൽ ഏറെ വിവാദമുണ്ടാക്കി. മസൂദിനെ രക്ഷിക്കാൻ ജില്ലയിലെ സിപിഐ നേതാക്കൾ ഒട്ടേറെ തവണ മുകുന്ദനു മേൽ സമ്മർദം ചെലുത്തിയതായി ആക്ഷേപമുണ്ട്. എന്നാൽ മുകുന്ദൻ പരാതിയിൽ ഉറച്ചുനിന്നതോടെ മുകുന്ദനെ പുകച്ച് പുറത്തുചാടിക്കാനായി അടുത്ത നീക്കം. പരാതി നൽകി രണ്ട് വർഷം പിന്നിട്ടിട്ടും കേസ് മുന്നോട്ടുപോയില്ല. യുഡിഎഫ് സർക്കാർ വന്നതോടെയാണ് നടപടി വേഗത്തിലായത്. മുകുന്ദന്റെ നിലപാടാണ് നാട്ടികയിൽ സ്ഥാനാർഥിയാകാനുള്ള സാഹചര്യം ഇല്ലാതാക്കിയതെന്ന് പറയുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.