ഭരതൻ പെരുമയുമായി തമ്പ് ഫിലിം സൊസൈറ്റി; ; ഭരതൻ അനുസ്മരണവും 'അമരം' പ്രദർശനവും ജൂലൈ 30-ന് കോട്ടയം പബ്ലിക് ലൈബ്രറി തീയേറ്ററിൽ

കോട്ടയം: മലയാള സിനിമയുടെ സൗന്ദര്യശിൽപിയായ ഭരതൻ എന്ന മഹാപ്രതിഭയുടെ കലാജീവിതവും സംഭാവനകളും അനുസ്മരിച്ചു കൊണ്ട് തമ്പ് ഫിലിം സൊസൈറ്റി, കോട്ടയവും കോട്ടയം പബ്ലിക് ലൈബ്രറിയും സംയുക്തമായി "ഭരതൻ അനുസ്മരണം" സംഘടിപ്പിക്കുന്നു.

2026 ജൂലൈ 30, വ്യാഴാഴ്ച കോട്ടയം പബ്ലിക് ലൈബ്രറി തീയേറ്ററിൽ നടക്കുന്ന അനുസ്മരണ യോഗം ശ്രീ ഏറ്റുമാനൂർ രാധാകൃഷ്ണൻ ഉദ്ഘാടനം ചെയ്യും.

ശ്രീ ഏബ്രഹാം ഇട്ടിച്ചെറിയ അദ്ധ്യക്ഷത വഹിക്കുന്ന യോഗത്തിൽ സംസ്ഥാന ചലച്ചിത്ര നിരൂപണ അവാർഡ് ജേതാവായ ശ്രീ. അനൂപ് കെ. ആർ. അനുസ്മരണ പ്രഭാഷണം നടത്തും.

കലാസംവിധായകൻ ശ്രീ. മോനി കാരാപ്പുഴ, മുനിസിപ്പൽ കൗൺസിലർ ശ്രീ. കെ. ശങ്കരൻ എന്നിവർ ഓർമ്മകൾ പങ്കുവെക്കും.

തുടർന്ന് ഭരതൻ സംവിധാനം ചെയ്ത്, മമ്മൂട്ടി അഭിനയിച്ച എക്കാലത്തെയും മികച്ച മലയാള ചലച്ചിത്രങ്ങളിലൊന്നായ അമരം പ്രദർശിപ്പിക്കും.