രാമപുരം: ഫുട്ബോൾ ആരാധകരുടെ കാത്തിരിപ്പിനും ആവേശത്തിനും നിറം പകർന്നു കൊണ്ട് ഫിഫ ലോകകപ്പ് ഫുട്ബോൾ മത്സരത്തോടനുബന്ധിച്ച് രാമപുരം മാർ ആഗസ്തീനോസ് കോളേജിലെ വിദ്യാർത്ഥികളുടെ നേതൃത്വത്തിൽ വർണാഭമായ വിളംബര ഘോഷയാത്ര സംഘടിപ്പിച്ചു.
കോളേജ് ക്യാമ്പസിൽ നിന്ന് ആരംഭിച്ച ഘോഷയാത്ര രാമപുരം ടൗണിൽ സമാപിച്ചു. വിവിധ രാജ്യങ്ങളുടെ പതാകകളും ജേഴ്‌സികളും അണിഞ്ഞ് നൂറുകണക്കിന് വിദ്യാർത്ഥികൾ ജാഥയിൽ അണിനിരന്നു. ഫുട്ബോളിനോടുള്ള യുവജനങ്ങളുടെ ആവേശവും കായിക മനോഭാവവും പ്രകടമാക്കിയ ഘോഷയാത്ര കാഴ്ചക്കാരിൽ വലിയ കൗതുകവും ആവേശവും സൃഷ്ടിച്ചു.
കായിക സംസ്കാരവും കായികമൂല്യങ്ങളും പ്രോത്സാഹിപ്പിക്കുക എന്ന സന്ദേശത്തോടെയാണ് പരിപാടി സംഘടിപ്പിച്ചത്. കോളേജിലെ അധ്യാപകരും അനധ്യാപകരും വിദ്യാർത്ഥികളോടൊപ്പം ഘോഷയാത്രയിൽ പങ്കുചേർന്നു. ലോകകപ്പ് ആഘോഷത്തിന്റെ ഭാഗമായി എട്ട് അടി ഉയരത്തിൽ പ്രത്യേകം നിർമ്മിച്ച ഭീമൻ ലോകകപ്പ് ട്രോഫിയുടെ മാതൃകയും ജാഥയുടെ മുഖ്യ ആകർഷണമായി മാറി.
കോളേജ് പ്രിൻസിപ്പൽ ഡോ. റെജി വർഗീസ് മേക്കാടൻ ഘോഷയാത്ര ഫ്ലാഗ് ഓഫ് ചെയ്തു. കേരള ഗവൺമെന്റിന്റെ ചീഫ് വിപ്പ് അപ്പു ജോൺ ജോസഫ് ഉദ്ഘാടനം നിർവഹിച്ചു. രാമപുരം പഞ്ചായത്ത് പ്രസിഡന്റ് കെ. കെ. ശാന്താറാം, വൈസ് പ്രിൻസിപ്പൽമാരായ ഫാ. ജോസഫ് ആലഞ്ചേരി, സിജി ജേക്കബ്, അഡ്മിനിസ്ട്രേറ്റർമാരായ രാജീവ് ജോസഫ്, ജോബിൻ പി. മാത്യു എന്നിവർ ചടങ്ങിൽ പ്രസംഗിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.