ഡൽഹി :ജനപ്രിയ ആപ്പായ ഇൻസ്റ്റഗ്രാമിലെ പണമടച്ചുള്ള പുതിയ സേവനമായ 'ഇൻസ്റ്റഗ്രാം പ്ലസ്' (Instagram Plus) ഇന്ത്യയിൽ അവതരിപ്പിച്ചു.
ഇൻസ്റ്റഗ്രാം സ്റ്റോറികളിലാണ് ഈ പുതിയ പ്ലാൻ പ്രധാനമായും ശ്രദ്ധ കേന്ദ്രീകരിച്ചിരിക്കുന്നത്. സ്റ്റോറികൾ ആരെല്ലാം വീണ്ടും കണ്ടു എന്ന് അറിയാനും പരിധിയില്ലാത്ത സ്റ്റോറി ഓഡിയൻസ് ലിസ്റ്റുകൾ ഉണ്ടാക്കാനും, വ്യൂവർ ലിസ്റ്റിൽ വരാതെ തന്നെ മറ്റുള്ളവരുടെ സ്റ്റോറികൾ രഹസ്യമായി കാണാനും വരിക്കാർക്ക് സാധിക്കും.
നിലവിലെ 24 മണിക്കൂർ എന്ന സമയപരിധിക്ക് പകരം സ്റ്റോറികൾ 48 മണിക്കൂർ വരെ നിലനിർത്താനും, കൂടുതൽ ശ്രദ്ധ ലഭിക്കുന്നതിനായി ആഴ്ചയിൽ ഒരു സ്റ്റോറി സ്പോട്ട്ലൈറ്റ് ചെയ്യാനും ഈ പ്ലാൻ അനുവദിക്കുന്നുണ്ട്. സ്റ്റോറികൾക്ക് പുറമെ മറ്റ് പല ആകർഷകമായ ഫീച്ചറുകളും മെറ്റ ഇതിൽ ഉൾപ്പെടുത്തിയിട്ടുണ്ട്. ഉപയോക്താക്കൾക്ക് ആനിമേറ്റഡ് 'സൂപ്പർ ഹാർട്ട്' റിയാക്ഷനുകൾ, കസ്റ്റം ആപ്പ് ഐക്കണുകൾ, ബയോയ്ക്ക് വേണ്ടിയുള്ള പ്രത്യേക ഫോണ്ടുകൾ എന്നിവ ലഭ്യമാകും.
ഫോളോവേഴ്സിന്റെ ഫീഡിൽ കാണിക്കാതെ തന്നെ പ്രൊഫൈലിലേക്കും ഹൈലൈറ്റുകളിലേക്കും നേരിട്ട് പോസ്റ്റ് ചെയ്യാനുള്ള സൗകര്യവും, പ്രൊഫൈലിൽ ആറ് പോസ്റ്റുകൾ വരെ പിൻ ചെയ്യാനുള്ള ഓപ്ഷനും വരിക്കാർക്ക് ലഭിക്കും. സൗജന്യമായി ഉപയോഗിക്കുന്ന ഇൻസ്റ്റഗ്രാം പതിപ്പിന് പകരമായല്ല മെറ്റാ ഇത് കൊണ്ടുവരുന്നത്.
കൂടുതൽ മികച്ച സേവനങ്ങൾ ആഗ്രഹിക്കുന്നവർക്ക് ഇൻസ്റ്റഗ്രാം ആപ്പ് വഴി നേരിട്ട് 299 രൂപ നൽകി ഈ പുതിയ പ്ലാൻ സ്വന്തമാക്കാം. വരും മാസങ്ങളിൽ ഇൻസ്റ്റഗ്രാം പ്ലസിൽ കൂടുതൽ പുതിയ ഫീച്ചറുകൾ ഉൾപ്പെടുത്താനും മെറ്റ പദ്ധതിയിടുന്നുണ്ട്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.