അഞ്ച് അംഗ സംഘം സഞ്ചരിച്ചിരുന്ന ഇന്നോവ നിയന്ത്രണം വിട്ടു തലകീഴായി മറിഞ്ഞു; രണ്ടു പേരുടെ നില ഗുരുതരം

തിരുവനന്തപുരം: വർക്കല ബീച്ച് റോഡിൽ ഇന്നോവ വാഹനം നിയന്ത്രണം വിട്ടു തലകീഴായി മറിഞ്ഞു. പുലർച്ചെ ഒരു മണിക്കായിരുന്നു സംഭവം എന്ന് നാട്ടുകാർ പറയുന്നു. 

പാപനാശം കിളിത്തട്ട് മുക്ക് ക്ഷേത്രത്തിന് മുൻവശത്തെമതിലിനോട് ചേർന്നാണ് വാഹനം തല കീഴായി മറിഞ്ഞത്. കൊല്ലം പാരിപ്പള്ളി സ്വദേശികളായ അഞ്ച് അംഗ സംഘമാണ് കാറിൽ ഉണ്ടായിരുന്നത്.

യുവാക്കളെ വർക്കല താലൂക്ക് ആശുപത്രിയിലും നിന്നും സ്വകാര്യ ആശുപത്രിയിലേക്ക് മാറ്റി. ഷൈൻ (30),ഹലിം (28) എന്നിവർക്ക് പരിക്ക് ഗുരുതരമാണ്. ഇവരെ ശിവഗിരി മെഡിക്കൽ മിഷൻ ഹോസ്പിറ്റലിലേക്ക് മാറ്റി. 

മദ്യ ലഹരിയിലായിരുന്നു യുവാക്കളെന്ന് പൊലീസ് പറഞ്ഞു. സഞ്ചാരികളാൽ തിരക്കുള്ള റോഡിൽ പുലർച്ചെയാണ് അപകടം നടന്നത് എന്നതിനാൽ വൻ ദുരന്തം ഒഴിവായി.