തിരുവനന്തപുരം: പോളിയോ നിർമ്മാർജ്ജം ലക്ഷ്യമിട്ട് രാജ്യത്തുടനീളം നടത്തുന്ന പള്സ് പോളിയോ ഇമ്മ്യൂണൈസേഷന് സംസ്ഥാനത്ത് ഇന്ന് നടക്കുമെന്ന് ആരോഗ്യ- ദേവസ്വം വകുപ്പ് മന്ത്രി കെ മുരളീധരന് അറിയിച്ചു.
ഗതാഗത വകുപ്പ് മന്ത്രി സി.പി. ജോണ് അധ്യക്ഷത വഹിക്കും, ഡോ. ശശി തരൂര് എം.പി, തിരുവനന്തപുരം കോര്പറേഷന് മേയര് വി.വി രാജേഷ് തുടങ്ങിയവര് പങ്കെടുക്കും.
സംസ്ഥാനത്ത് അഞ്ചുവയസ്സിനു താഴെയുളള 19,80,224 കുട്ടികള്ക്കാണ് തുള്ളിമരുന്ന് നല്കുക. ഇതിനായി 22,288 ബൂത്തുകള് സജീകരിച്ചിട്ടുണ്ട് തുള്ളിമരുന്ന് നല്കാന് 46,663 സന്നദ്ധപ്രവര്ത്തകരെ പരിശീലനം നല്കി നിയോഗിക്കും സര്ക്കാര് ആശുപത്രികള്, ആരോഗ്യകേന്ദ്രങ്ങള്, ജനകീയ ആരോഗ്യ കേന്ദ്രങ്ങള്, നഗരാരോഗ്യ കേന്ദ്രങ്ങള്, അങ്കണവാടികള്, സ്വകാര്യ ആശുപത്രികള്, വായനശാലകള്, സ്കൂളുകള്, സന്നദ്ധ സംഘടനകളുടെ കെട്ടിടങ്ങള് എന്നിവയുള്പ്പെടെ ജനങ്ങള്ക്ക് ഏറ്റവും സൗകര്യപ്രദമായ സ്ഥലങ്ങളില് ബൂത്തുകള് ക്രമീകരിച്ചിട്ടുണ്ട്
അതിഥി തൊഴിലാളികളുടെ താമസസ്ഥലങ്ങള്, ദുര്ഘട പ്രദേശങ്ങള്, ഉത്സവസ്ഥലങ്ങള്, കല്യാണമണ്ഡപങ്ങള് എന്നിവയുള്പ്പെടെ ജനങ്ങള് എത്തുന്ന സ്ഥലങ്ങളില് മരുന്ന് നല്കുന്നതിനാണ് മൊബൈല് ബൂത്തുകള്.
വാക്സിന്, അവ സൂക്ഷിക്കാനുള്ള ഐഎല്ആര്, ഡീപ് ഫ്രീസര്, കോള്ഡ് ബോക്സ്, വാക്സിന് കാരിയര് തുടങ്ങിയ ശീതീകരണ ഉപാധികളും തയ്യാറാക്കിയിട്ടുണ്ട്. പള്സ് പോളിയോ ദിനത്തില് ബൂത്തുകളില് എത്താത്ത കുഞ്ഞുങ്ങള്ക്ക് ജൂണ് 29, 30 തിയതികളില് വീടുകളിലെത്തി വാക്സിന് നല്കുന്നതാണ്. ആരോഗ്യ പ്രവര്ത്തകര്ക്ക് പുറമേ ആശാ, അങ്കണവാടി, കുടുംബശ്രീ പ്രവര്ത്തകര് എന്നിവരാണ് വാളന്റിയര്മാര്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.