ഫിലിപ്പീൻസില്‍ ശക്തമായ ഭൂചലനം; സുനാമിക്ക് സാധ്യത ജാഗ്രതാ മുന്നറിയിപ്പ്

മനില: ഫിലിപ്പീൻസിലെ മിൻഡാനാവോ തീരത്ത് ശക്തമായ ഭൂചലനം. നിലവില്‍ മരണങ്ങളോ കനത്ത നാശനഷ്ടങ്ങളോ റിപ്പോർട്ട് ചെയ്തിട്ടില്ല.

ഭൂചലനത്തെ തുടർന്ന് ഫിലിപ്പീൻസിലും ഇൻഡൊനേഷ്യയിലും സുനാമി മുന്നറിയിപ്പ് നല്‍കിയിട്ടുണ്ട്. എന്നാല്‍ ഭൂചലനത്തിന്റെ തീവ്രത സംബന്ധിച്ച്‌ കൃത്യമായ കണക്കുകള്‍ ലഭ്യമല്ല. വിവിധ ഏജൻസികള്‍ വ്യത്യസ്ത തീവ്രതയാണ് പുറത്തുവിട്ടിരിക്കുന്നത്.

മേഖലയില്‍ പസഫിക് സുനാമി മുന്നറിയിപ്പ് കേന്ദ്രം സുനാമി തിരമാലകള്‍ക്ക് സാധ്യതയുണ്ടെന്ന് മുന്നറിയിപ്പ് നല്‍കിയിട്ടുണ്ട്. തീരപ്രദേശങ്ങളില്‍ ജാഗ്രത തുടരണമെന്നും നിർദേശമുണ്ട്.