ഇടുക്കി: സംസ്ഥാനത്ത് മാട്ടിറച്ചി ക്ഷാമം രൂക്ഷമാകുന്നു. അയല് സംസ്ഥാനങ്ങളായ ആന്ധ്രാപ്രദേശ്, തമിഴ്നാട് എന്നിവിടങ്ങളില് നിന്നും അറവുമാടുകള് എത്താത്തതാണ് പ്രതിസന്ധിക്ക് കാരണം.
കഴിഞ്ഞ രണ്ടു മാസമായി സംസ്ഥാനത്ത് മാട്ടിറച്ചിയുടെ ലഭ്യത കുറഞ്ഞു. തമിഴ്നാട്, ആന്ധ്രാപ്രദേശ്, കർണാടകം എന്നീ സംസ്ഥാനങ്ങളില് നിന്നാണ് കേരളത്തിലേക്ക് അറവു മാടുകളെത്തുന്നത്. മാസം തോറം ഒന്നര ലക്ഷത്തോളം കന്നുകാലികളെയാണ് ഇറച്ചിക്കായി കേരളത്തിലേക്കെത്തിച്ചിരുന്നത്. ഇപ്പോഴിത് ഇരുപതിനായിരിത്തില് താഴെയായി കുറഞ്ഞു.
കഴിഞ്ഞ മെയ് മാസം മുതല് ആന്ധ്രാപ്രദേശില് കന്നുകാലികള്ക്ക് മെഡിക്കല് സർട്ടിഫിക്കറ്റ് നല്കുന്നത് നിർത്തി. സർട്ടിഫിക്കറ്റില്ലെന്ന കാരണം പറഞ്ഞും അറവുമാടുകളെ പിടിച്ചെടുക്കുന്നുണ്ട്. ഇതു മൂലം ലക്ഷങ്ങളുടെ നഷ്ടമാണ് കച്ചവടക്കാർക്കുണ്ടായത്.
മാടുകളെ കിട്ടാതായതോടെ അറവുശാലകളും കച്ചവട സ്ഥാപനങ്ങളും അടച്ചു. കേരളത്തില് വളർത്തുന്ന കന്നുകാലികളെ മാത്രമാണ് ഇറച്ചിക്കായിപ്പോള് കൊല്ലുന്നത്. അറവുമാടുകളെ എത്തിക്കുന്നത് തടയുന്നതില് നടപടി വേണമെന്നാവശ്യപ്പെട്ട് കച്ചവടക്കാരുടെ സംഘടനയായ മീറ്റ് ഇൻഡസ്ട്രീസ് വെല്ഫെയർ അസ്സോസിയേഷൻ നാല് സംസ്ഥാന സർക്കാരുകള്ക്കും കത്തയച്ചെങ്കിലും നടപടിയില്ല.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.