തലസ്ഥാനത്ത് അഭയ കേന്ദ്രത്തിന് സമീപം പരിശോധന; ബംഗാള്‍ സ്വദേശി പിടിയില്‍, ലക്ഷങ്ങളുടെ ഹെറോയിൻ കണ്ടെടുത്തു,

തിരുവനന്തപുരം: കാട്ടാക്കട തച്ചോട്ടുകാവില്‍ ലക്ഷങ്ങളുടെ ഹെറോയിനുമായി ഇതര സംസ്ഥാനക്കാരൻ പിടിയില്‍. തച്ചോട്ടുകാവ് മഞ്ചാടി അഭയ കേന്ദ്രത്തിന് സമീപം നടത്തിയ എക്സൈസ് പരിശോധനയിലാണ് ബംഗാള്‍ സ്വദേശിയായ ആസാദ് ഹുസൈൻ പിടിയിലായത്.

ഇയാളുടെ പക്കല്‍ നിന്നും വിപണിയില്‍ വൻ വിലവരുന്ന 27 ഗ്രാം ഹെറോയിൻ എക്സൈസ് സംഘം പിടിച്ചെടുത്തു. ലഹരി ഉല്‍പ്പന്നങ്ങളുടെ ഒഴുക്ക് തടയുന്നതിനായി പൊലീസ് കർശനമായ സംസ്ഥാനത്ത് പരിശോധനകളാണ് നടക്കുന്നത്.

വരും ദിവസങ്ങളിലും പരിശോധന തുടരുമെന്ന് പൊലീസ് അറിയിച്ചു. കഴിഞ്ഞ വർഷം ചെങ്ങന്നൂരില്‍ നിന്നും ഇയാളെ 50 ഹെറോയിനുമായി പിടികൂടിയിരുന്നു സംസ്ഥാനത്തിന്‍റെ വിവിധ ഭാഗങ്ങളില്‍ വില്‍പനയ്ക്കായി കൊണ്ടുവന്നതാണിത്.

പത്തു വർഷമായി വിവിധ പ്രദേശങ്ങളില്‍ കൂലിപ്പണി ചെയ്യുന്ന ഇയാള്‍ തിരുവല്ല മുത്തൂർ ഭാഗത്തായിരുന്നു താമസം. ഇയാള്‍ക്കെതിരെ നിയമനടപടികള്‍ സ്വീകരിച്ചതായി എക്സൈസ് അറിയിച്ചു.