പറവൂർ: പറവൂർ പെരുവാരാം ക്ഷേത്രക്കുളത്തില് കൂട്ടുകാരോടൊപ്പം കുളിക്കാനിറങ്ങിയ പത്താംക്ലാസ് വിദ്യാർത്ഥി മുങ്ങിമരിച്ചു. ഏലൂർ നോർത്ത് പാട്ടുപുരയ്ക്കല് ക്ഷേത്രത്തിന് സമീപം തടത്തിപ്പറമ്പില് ലൈജു – രമ്യ ദമ്പതികളുടെ മകൻ ആദർശ് (15) ആണ് മരണപ്പെട്ടത്.
പാനായിക്കുളം ലിറ്റില്ഫ്ലവർ ഹൈസ്കൂളിലെ പത്താംക്ലാസ് വിദ്യാർത്ഥിയാണ് ആദർശ്. താൻ ട്യൂഷൻ പഠിക്കുന്ന സ്ഥാപനം പെരുവാരാം ടർഫില് സംഘടിപ്പിച്ച ഫുട്ബോള് ടൂർണമെന്റില് പങ്കെടുക്കാനാണ് ആദർശ് എത്തിയത്. മത്സരം കഴിഞ്ഞ ശേഷം കൂട്ടുകാരോടൊപ്പം വീട്ടിലേക്ക് തിരിച്ചുപോകുന്നതിനിടയിലാണ് ഇവർ പെരുവാരാം ക്ഷേത്രക്കുളത്തില് കുളിക്കാനായി ഇറങ്ങിയത്.
ഒപ്പമുണ്ടായിരുന്ന കൂട്ടുകാരില് ചിലർ കുളത്തിലിറങ്ങി നീന്തിയ ശേഷം തിരികെ കരയ്ക്ക് കയറിയിരുന്നു. ഇതിനിടയില് ആദർശ് അപ്രതീക്ഷിതമായി വെള്ളത്തില് താണുപോവുകയായിരുന്നു. ആദർശ് മുങ്ങിത്താഴുന്നത് കണ്ട് കൂടെയുണ്ടായിരുന്ന സുഹൃത്തുക്കള് രക്ഷിക്കാൻ പരമാവധി ശ്രമിച്ചെങ്കിലും പരാജയപ്പെടുകയായിരുന്നു.
അപകടവിവരമറിഞ്ഞ് മുഖ്യമന്ത്രി വി.ഡി. സതീശൻ, പറവൂർ നഗരസഭാ അധ്യക്ഷൻ രമേഷ് ഡി. കുറുപ്പ് എന്നിവർ ആശുപത്രിയിലെത്തി മാതാപിതാക്കളെയും ബന്ധുക്കളെയും ആശ്വസിപ്പിച്ചു. ഇൻക്വസ്റ്റ് നടപടികള്ക്കും പോസ്റ്റ്മോർട്ടത്തിനും ശേഷം മൃതദേഹം ഇന്ന് ബന്ധുക്കള്ക്ക് വിട്ടുനല്കും. തുടർന്ന് വീട്ടുവളപ്പില് സംസ്കാരം നടത്തും. അതുല്യയാണ് മരണപ്പെട്ട ആദർശിന്റെ ഏക സഹോദരി.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.