കാനഡ: ഒന്റാറിയോയിൽ തടാകത്തിൽ കുളിക്കുന്നതിനിടെ അപകടത്തിൽപ്പെട്ട് അങ്കമാലി തുറവൂർ വാതക്കാട് കൈതാരത്ത് ഫ്രെഡി ജോർജ് (29) ദാരുണമായി മരണപ്പെട്ടു.
പഠനാവശ്യാർത്ഥം കാനഡയിൽ എത്തിയിരുന്ന ഫ്രെഡി പോസ്റ്റ് ഗ്രാജ്വേറ്റ് വിദ്യാർത്ഥിയായിരുന്നു. യുവാവിന്റെ അപ്രതീക്ഷിത വേർപാട് കുടുംബത്തെയും സുഹൃത്തുക്കളെയും പ്രവാസി മലയാളി സമൂഹത്തെയും ദുഃഖത്തിലാഴ്ത്തിയിരിക്കുകയാണ്.
ജോർജിന്റെയും ലെസിയുടെയും ഏകമകനായ ഫ്രെഡി, മികച്ച വിദ്യാഭ്യാസ നേട്ടങ്ങൾ ലക്ഷ്യമിട്ട് കാനഡയിൽ പഠനം തുടരുന്നതിനിടെയാണ് ഈ ദുരന്തം സംഭവിച്ചത്. തടാകത്തിൽ കുളിക്കുന്നതിനിടെ അപകടത്തിൽപ്പെട്ട ഫ്രെഡിയെ രക്ഷിക്കാൻ ശ്രമങ്ങൾ നടന്നെങ്കിലും ജീവൻ രക്ഷിക്കാനായില്ലെന്നാണ് ലഭിക്കുന്ന വിവരം.
ഫ്രെഡിയുടെ ഭൗതികശരീരം 2026 ജൂൺ 7-ന് ഉച്ചയ്ക്ക് 12 മുതൽ 2 മണിവരെ ഒന്റാറിയോയിലെ മാർക്കം നഗരത്തിലുള്ള Chapel Ridge Funeral Home-ൽ പൊതുജനങ്ങൾക്കായി പ്രാർത്ഥനയും പൊതുദര്ശനവും നടത്തി. ബന്ധുക്കളും സുഹൃത്തുക്കളും പരിചയക്കാരും എത്തി അന്തിമോപചാരം അര്പ്പിച്ചു.
അതേസമയം, മൃതദേഹം നാട്ടിലെത്തിക്കുന്നതിനുള്ള നടപടികൾ പുരോഗമിച്ചുകൊണ്ടിരിക്കുകയാണ്. സംസ്കാര ചടങ്ങുകളുമായി ബന്ധപ്പെട്ട കൂടുതൽ വിവരങ്ങൾ പിന്നീട് അറിയിക്കുമെന്ന് ബന്ധുക്കൾ അറിയിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.