തിരുവനന്തപുരം: ഐ.എസ്.ആർ.ഒക്ക് കീഴിലെ വിക്രം സാരാഭായ് സ്പേസ് സെന്ററിലെ (വി.എസ്.എസ്.സി) ഡയറക്ടറും മുൻനിര ശാസ്ത്രജ്ഞനുമായിരുന്ന എം.കെ. അബ്ദുൾ മജീദ് അന്തരിച്ചു.
ഐ.എസ്.ആർ.ഒയിലെ എയ്റോസ്പേസ് മെക്കാനിസങ്ങളുടെയും കരിമരുന്ന് പ്രയോഗങ്ങളുടെയും വികസനത്തിൽ, പ്രത്യേകിച്ച് 1960 കളിലും 70 കളിലും അദ്ദേഹം നിർണ്ണായ സ്ഥാനം ഏറ്റെടുത്തു. 1966 ൽ തുമ്പ ഇക്വറ്റോറിയൽ റോക്കറ്റ് ലോഞ്ചിംഗ് സ്റ്റേഷൻ എഞ്ചിനീയർമാരുടെ ആദ്യകാല സംഘത്തിൽ അംഗമായിരുന്നു, മുൻ രാഷ്ട്രപതി എ.പി.ജെ. അബ്ദുൾ കലാം, നമ്പി നാരായണൻ എന്നിവരോടൊപ്പം പ്രവർത്തിച്ചു.
1967 ൽ, ഡോ. കലാം, വി.വി. ബാബു, സി.ബി. കർത്ത എന്നിവർക്കൊപ്പം, തുമ്പയിൽ പൈറോ ലാബ് സ്ഥാപിക്കുന്നതിൽ അബ്ദുൾ മജീദ് ഒരു മുൻ നിര ശാസ്ത്രജ്ഞനായി. അത് പിന്നീട് സ്പേസ് ഓർഡനൻസ് ഗ്രൂപ്പായി മാറി. ഇൻസാം (ഇന്ത്യൻ സൊസൈറ്റി ഫോർ അഡ്വാൻസ്മെന്റ് ഓഫ് എയ്റോസ്പേസ് മെക്കാനിസംസ്) ന്റെ സ്ഥാപകനാണ് അബ്ദുൽ മജീദ്. ഇത് 1999 ജൂൺ 22 ന് ഡോ. എ.പി.ജെ. അബ്ദുൾ കലാം ഉദ്ഘാടനം ചെയ്തു. ഡോ. കലാമിനെ പോലുള്ള നേതാക്കളുടെ മാർഗനിർദേശപ്രകാരം 1981 ൽ വി.എസ്.എസ്.സിയിൽ എയ്റോസ്പേസ് മെക്കാനിസംസ് ഡിവിഷൻ (എ.എസ്.എം.ഡി) രൂപീകരിക്കുന്നതിൽ അബ്ദുൾ മജീദ് നിർണായക പങ്കുവഹിച്ചു.
വിക്രം സാരാഭായ് സ്പേസ് സെന്ററിന്റെ ഡെപ്യൂട്ടി ഡയറക്ടറായി എം.കെ. അബ്ദുൾ മജീദ് വിരമിച്ചു. കോക്കൂർ മാനംകണ്ടത്ത് ബാപ്പുട്ടിയുടെ മകനാണ്. കോക്കൂർ എ എച്ച് എം ഗവ ഹയർ സെക്കണ്ടറി സ്കൂൾ മുൻ ഹെഡ്മാസ്റ്റർ എംകെ അബ്ദുൽ ഹമീദ്, സ്റ്റേറ്റ് ഉപഭോക്തൃ കമ്മീഷൻ മെംബർ അഡ്വ എം കെ അബ്ദുല്ല ഷോണ, റിട്ട പ്രഫസർ എം കെ ഇബ്രാഹിം കുട്ടി, എം കെ മുഹമ്മദ് കുട്ടി സ്വപ്ന എന്നിവർ സഹോദരന്മാരാണ്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.