തിരുവനന്തപുരം: സ്കൂള് തുറക്കുന്നതുമായി ബന്ധപ്പെട്ട് എല്ലാ ഒരുക്കങ്ങളും പൂര്ത്തിയായെന്നും ഈ മാസം അവസാനത്തോടെ എല്ലാ പുസ്തകങ്ങളും കുട്ടികള്ക്കു നല്കാന് കഴിയുന്ന തരത്തില് ക്രമീകരണങ്ങള് ഏര്പ്പെടുത്തിയിട്ടുണ്ടെന്നും വിദ്യാഭ്യാസ മന്ത്രി എന്.ഷംസുദീന് മാധ്യമങ്ങളോട് പറഞ്ഞു. വിദ്യാഭ്യാസ വകുപ്പിന്റെ ചുമതല ഏറ്റെടുത്ത ശേഷം മന്ത്രി ഉന്നത ഉദ്യോഗസ്ഥരുടെ യോഗം വിളിച്ചു ചര്ച്ചകള് നടത്തിയിരുന്നു.
9, 10 ക്ലാസിലെ പുസ്തകങ്ങള് തയാറാണെങ്കിലും 6,7,8 ക്ലാസിലെ പുസ്തകങ്ങള് ഒന്നാം തീയതി ലഭിക്കാന് സാധ്യതയില്ലെന്നും ഇബ്രാഹിം പറഞ്ഞു.
സ്കൂളുകളില് പരിശോധന നടത്തി ഫിറ്റ്നസ് സര്ട്ടിഫിക്കറ്റ് നല്കാനുള്ള പ്രവര്ത്തനങ്ങളും ഊര്ജിതമായി നടക്കുകയാണെന്ന് പൊതുവിദ്യാഭ്യാസവകുപ്പ് അധികൃതര് വ്യക്തമാക്കി. സ്കൂളുകളുടെ സുരക്ഷാ ഫിറ്റ്നസ് സര്ട്ടിഫിക്കറ്റ് നല്കാനുള്ള ചുമതല തദ്ദേശസ്വയംഭരണ വകുപ്പിന് നല്കിക്കൊണ്ട് പൊതുവിദ്യാഭ്യാസ വകുപ്പ് ഈ മാസം ഉത്തരവിറക്കിയിരുന്നു. തദ്ദേശവകുപ്പിലെ അസി. എന്ജിനീയര്മാരും ആരോഗ്യ വിഭാഗവുമാണ് പരിശോധന നടത്തിക്കൊണ്ടിരിക്കുന്നത്. 17 പോയിന്റുകള് ഉള്ള വിശദമായ ചെക്ക്ലിസ്റ്റിന്റെ അടിസ്ഥാനത്തിലാണു പരിശോധന നടത്തുന്നത്. സ്കൂള് കെട്ടിടത്തിന്റെ ബലം, ചുറ്റുമതിലിന്റെ സുരക്ഷ, അപകടകരമായ കുഴികളോ ചരിവുകളോ ഇല്ലാത്ത അവസ്ഥ, മരങ്ങളുടെയും ശിഖരങ്ങളുടെയും സുരക്ഷ എന്നിവ അസി. എന്ജിനീയര് നേരിട്ട് പരിശോധിച്ച് ഉറപ്പുവരുത്തിയ ശേഷമേ സര്ട്ടിഫിക്കറ്റ് നല്കാവൂ എന്ന കര്ശന നിര്ദേശമാണ് നല്കിയിരിക്കുന്നത്.
വൈദ്യുത സുരക്ഷയ്ക്കും ശുചിത്വത്തിനും പ്രത്യേക പ്രാധാന്യമാണ് പുതിയ നിര്ദേശങ്ങളില് നല്കിയിരിക്കുന്നത്. സ്കൂളുകളിലെ ഇലക്ട്രിക്കല് വയറിംഗ് സുരക്ഷിതമാണെന്നും ട്രാന്സ്ഫോര്മറുകള്ക്ക് ചുറ്റും വേലി കെട്ടിയിട്ടുണ്ടെന്നും അധികൃതര് ഉറപ്പുവരുത്തണം. അസ്ബറ്റോസ്, ടിന്, അലുമിനിയം ഷീറ്റുകള് പാകിയ മേല്ക്കൂരകള് മാറ്റിയിട്ടുണ്ടെന്നും കിണറുകള്ക്കും മറ്റും സുരക്ഷിതമായ സംരക്ഷണ ഭിത്തികള് ഉണ്ടെന്നും ഉറപ്പാക്കണം. മതിയായ വെന്റിലേഷനുള്ള വൃത്തിയുള്ള ശൗചാലയങ്ങള്, കുടിവെള്ള ലഭ്യത, സ്കൂള് പരിസരത്തെ മാലിന്യ നിര്മാര്ജനം, എലി നശീകരണ പ്രവര്ത്തനങ്ങള് എന്നിവ ആരോഗ്യ വിഭാഗം ഉദ്യോഗസ്ഥര് പരിശോധിച്ച് സാക്ഷ്യപ്പെടുത്തണം. സ്കൂള് വാഹനങ്ങളുടെ ഫിറ്റ്നസ് സര്ട്ടിഫിക്കറ്റ് മോട്ടര് വാഹന വകുപ്പാണ് നല്കേണ്ടത്. മാനദണ്ഡങ്ങള് പാലിച്ചിട്ടുണ്ടെന്ന് ഉറപ്പാക്കുമെന്നും വിദ്യാഭ്യാസവകുപ്പ് അധികൃതര് പറഞ്ഞു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.