വേനൽമഴ, ഇടിമിന്നലിൽ വീടിൻ്റെ ചുമർ തകർന്നു; ഒരാൾക്ക് പരിക്ക് വളർത്തു മൃഗങ്ങൾ ചത്തു, കോഴിക്കോടിനെ നടുക്കി കനത്ത മഴ,,

കോഴിക്കോട്: വേനൽ മഴയിൽ സംസ്ഥാനത്ത് വ്യാപക നാശനഷ്ടം. നരിക്കുനിയിൽ ഇടിമിന്നലിൽ വീടിന്റെ ചുമർ തകർന്നു.

ഇടിമിന്നലിൽ നരിക്കുനി വാര്യം വീട്ടിൽ മാധവൻ നായരുടെ വീടിനാണ് കേടുപാടുകൾ സംഭവിച്ചത്.
ചുമർ തകർന്ന് കല്ല് കാലിൽ വീണ് ​ഗൃ​ഹനാഥന് നിസാര പരിക്കേറ്റു. ഇന്നലെ വൈകീട്ടോടെയാണ് സംഭവം. ഇടിമിന്നലിൽ വീട്ടിലുണ്ടായിരുന്ന നിരവധി കോഴികൾ ചത്തതായും റിപ്പോർട്ടുണ്ട്. പരിസത്തെ വീടുകളിലും കോഴികൾ ഉൾപ്പടെയുള്ള വളർത്തുമൃ​ഗങ്ങള്‍ ചത്തു വീണു.

ഇടിമിന്നലിൽ അതീവ ജാ​ഗ്രത പാലിക്കണമെന്ന് അധികൃതർ നിർദേശം നൽകി. സംസ്ഥാനത്ത് വേനൽ മഴ കനക്കുമെന്നാണ് കാലാവസ്ഥാ നിരീക്ഷണ കേന്ദ്രം അറിയിക്കുന്നത്