കോട്ടയം: ആരോഗ്യസംരക്ഷണത്തിനും ശരീരഭാരം നിയന്ത്രിക്കുന്നതിനും വേണ്ടി കഠിനമായ ഡയറ്റുകളും പട്ടിണികിടക്കലുകളും ശീലമാക്കുന്നവരാണ് ഇന്നത്തെ കാലത്ത് ഭൂരിഭാഗം ആളുകളും.
പഞ്ചസാരയും പാലും ചേർത്ത സാധാരണ ചായയോ കാപ്പിയോ കുടിച്ച് ദിവസം തുടങ്ങുന്നതിന് പകരം, ഔഷധഗുണങ്ങള് ഏറെയുള്ള ഈ ഹെർബല് ഡ്രിങ്ക് ശീലമാക്കുന്നത് ശരീരത്തിന് ഇരട്ടി ആരോഗ്യമേകും. ചുക്ക്, മല്ലി, കുരുമുളക്, ഏലയ്ക്ക തുടങ്ങിയ അടുക്കളയിലെ പ്രകൃതിദത്ത ചേരുവകള് ചേർത്താണ് ഈ മാന്ത്രികക്കൂട്ട് തയ്യാറാക്കുന്നത്.
ചേരുവകള്
ചുക്ക്- 3 കഷണങ്ങള്
മല്ലി- ½ കപ്പ്
ഏലയ്ക്ക- 2 മുതല് 3 വരെ
കുരുമുളക്- 1 ടേബിള്സ്പൂണ്
ശർക്കര- ആവശ്യത്തിന്
വെള്ളം- 2 കപ്പ്
തയ്യാറാക്കുന്ന വിധം
ഒരു പാൻ അടുപ്പില് വച്ച് അതിലേയ്ക്ക് മല്ലി, കുരുമുളക്, ഏലയ്ക്ക, ചുക്ക് എന്നിവ ചേർത്തു വറുക്കാം. ശേഷം അടുപ്പണച്ച് അത് തണുക്കാൻ മാറ്റി വയ്ക്കാം. തണുത്തു കഴിഞ്ഞ് മിക്സിയില് പൊടിച്ചെടുക്കാം. ഈ പൊടി വായുസഞ്ചാരമില്ലാത്ത അടച്ചുറപ്പുള്ള പാത്രത്തിലാക്കി വച്ചാല് ആവശ്യാനുസരണം ഉപയോഗിക്കാം. ഒരു പാത്രത്തില് രണ്ട് കപ്പ് വെള്ളം ഒഴിച്ചു തിളപ്പിക്കാം. ഇതിലേയ്ക്ക് ഒരു ടീസ്പൂണ് പൊടി ചേർത്തു തിളപ്പിക്കാം.
ഒരു നുള്ള് മഞ്ഞള്പ്പൊടി കൂടി ചേർക്കാം. ഇത് അരിച്ചെടുക്കാം. ഒപ്പം ആവശ്യത്തിന് ശർക്കര പൊടിച്ചതും ചേർത്തിളക്കി യോജിപ്പിക്കാം. ഇത് ചൂടോടെ കുടിച്ചു നോക്കൂ.
ഗുണങ്ങള്
ദഹനം മെച്ചപ്പെടുത്തുന്നു ഇഞ്ചിയില് അടങ്ങിയിരിക്കുന്ന എൻസൈമുകള് ദഹന സംബന്ധമായ തകരാറുകള്, വയറ്റിലെ അള്സർ, ഗ്യാസ് പ്രശ്നങ്ങള് എന്നിവ കുറയ്ക്കാൻ സഹായിക്കും.
ജലദോഷത്തിനും ചുമയ്ക്കും പ്രകൃതിദത്ത പരിഹാരങ്ങള് മഞ്ഞളും കുരുമുളകും ശരീര താപനില നിയന്ത്രിക്കാനും തൊണ്ടവേദന, ജലദോഷം, മൂക്കടപ്പ് എന്നിവ വേഗത്തില് കുറയ്ക്കാനും സഹായിക്കുന്നു.
ശരീരത്തിന്റെ പ്രതിരോധശേഷി വർധിപ്പിക്കുന്നു ഏലയ്ക്കയിലും മല്ലിയിലുമുള്ള ആന്റിഓക്സിഡന്റുകള് ശരീരത്തെ ശക്തിപ്പെടുത്തുകയും രോഗങ്ങളില് നിന്ന് സംരക്ഷിക്കുകയും ചെയ്യുന്നു.
ശരീരഭാരം കുറയ്ക്കാൻ സഹായിക്കുന്നു ശർക്കരയുടെ തെർമോജെനിക് ഗുണം ശരീരത്തിലെ കൊഴുപ്പ് കത്തിക്കാൻ സഹായിക്കുന്നു. സമ്മർദ്ദവും ക്ഷീണവും കുറയ്ക്കുന്നു ഏലയ്ക്കയുടെ സുഗന്ധം ശരീരത്തിന് വിശ്രമം നല്കുകയും ദിവസം മുഴുവൻ ഊർജ്ജം നല്കുകയും ചെയ്യുന്നു.
സ്ത്രീകള്ക്ക് ആർത്തവ വേദന ഒഴിവാക്കുന്നു ഇഞ്ചിയും മല്ലിയും ചേർന്ന മിശ്രിതം ശരീരത്തിലെ രക്തയോട്ടം മെച്ചപ്പെടുത്തുകയും ആർത്തവ വേദന കുറയ്ക്കുകയും ചെയ്യുന്നു.
ശരീരത്തിലെ വിഷാംശം ഇല്ലാതാക്കല് കുരുമുളക് ശരീരത്തില് നിന്ന് വിഷവസ്തുക്കളെ നീക്കം ചെയ്യുകയും കരളിന്റെ പ്രവർത്തനം മെച്ചപ്പെടുത്തുകയും ചെയ്യുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.