വീണാലും ഞാൻ ഉയർത്തെഴുന്നേൽക്കും, വലിയ താരനിരയും, മുതല്‍ മുടക്കും: കടുവാക്കുന്നേല്‍ കുറുവച്ചനായി സുരേഷ് ഗോപി, ഒറ്റക്കൊമ്പനിലെ താരത്തിന്റെ ആദ്യ ലുക്ക്‌ പുറത്ത്,

കോട്ടയം: പ്രതാപം കൊണ്ടും സമ്പത്തു കൊണ്ടും മധ്യതിരുവതാം കൂറിലെ പ്രത്യേകിച്ചും മീനച്ചില്‍ താലൂക്കില്‍ നിറഞ്ഞു നിന്ന ഒരു വ്യക്തിയാണ് കടുവാക്കുന്നേല്‍ കുറുവച്ചൻ.

പഴയ തലമുറക്കാർ കുറുവച്ചനെ സ്തുതിക്കുകയും, വാഴ്‌ത്തുകയും ചെയ്യുമ്പോള്‍ പുതുതലമുറക്കാർക്ക് കുറുവച്ചൻ റോള്‍ മോഡലാണ്. ഈ കഥാപാത്രത്തെ കേന്ദ്ര കഥാപാത്രമാക്കി ഗോകുലം മൂവീസിൻ്റെ ബാനറില്‍ ശ്രീഗോകുലം ഗോപാലൻ നിർമ്മിക്കുന്ന ചിത്രമാണ് ഒറ്റക്കൊമ്പൻ. നവാഗതനായ മാത്യൂസ് തോമസ് സംവിധാനം ചെയ്യുന്ന ഈ ചിത്രത്തിൻ്റെ ഫസ്റ്റ് ലുക്ക്‌ ഈസ്റ്റർ ദിനത്തില്‍ പുറത്തുവിട്ടിരിക്കുന്നു.സുരേഷ് ഗോപിയാണ് കടുവാക്കുന്നേല്‍ കുറുവച്ചനെ ഭദ്രമാക്കുന്നത്.

നീണ്ട കുരിശുള്ള ഒരു ചെയിൻ വായ് ക്കുള്ളില്‍ അമർത്തിപ്പിടിച്ചുള്ള ലുക്കിലാണ് കുറുവച്ചൻ്റെ ആദ്യ ലുക്ക്. എത്തിയിരിക്കുന്നത്.Though I fall.....will Rise again (വീണു പോയാലും ഞാൻ വീണ്ടും ഉയർത്തെഴുന്നേല്‍ക്കും. ) വിശുദ്ധ ബൈബിളിലെ . മിഖായേലിൻ്റെ ഒരു വാക്യമാണിത് . ഈ ടാഗ് ലൈനോടെയാണ് ഫസ്റ്റ് ലുക്ക് പ്രകാശനം ചെയ്തിരിക്കുന്നത്. ഒരുപാട് അർത്ഥങ്ങള്‍ ഈ വാക്യത്തിനു പുറകിലുണ്ട്. 

ഈ ഉയർത്തെഴുന്നേല്‍പ്പിനിടയിലെ സംഭവങ്ങളാഞ്ഞ് വലിയ സംഘർഷഭരിതമായി ഈ ചിത്രത്തിലൂടെ അവതരിപ്പിക്കുന്നത്. വലിയ താരനിര .... വലിയ മുതല്‍മുടക്കില്‍. ഒരുങ്ങുന്നതാണ് ഈ ചിത്രം . ചിത്രത്തിൻ്റെ ഫൈനല്‍ ഷെഡ്യൂള്‍ ചിത്രീകരണം നടന്നുവരുന്നു. കാലഘട്ടത്തിൻ്റെ മാറ്റങ്ങള്‍ക്കൊപ്പം നിന്നുകൊണ്ടാണ് ഈ ചിത്രത്തിൻ്റെ അവതരണം

മാസ് ആക്ഷൻ ജോണറില്‍ അവതരിപ്പിക്കുന്ന ഈ ചിത്രത്തിലെ നായിക അഭിനയയാണ്. ഇന്ദ്രജിത്ത് സുകുമാരൻ, വിജയരാഘവൻ, ലാലു അലക്സ്, ലാല്‍ ,കബീർ ദുഹാൻ സിംഗ്.ചെമ്പൻ വിനോദ്, ജോണി ആൻ്റെണി ,ബിജു പപ്പൻ, മാർട്ടിൻമുരുകൻ, ജിബിൻ ഗോപി, സുശീല്‍ കുമാർ ,പൂജപ്പുര രാധാകൃഷ്ണൻ..മേലനാ രാജ് എന്നിവവരും ഈ ചിത്രത്തിലെ പ്രധാന താരങ്ങളാണ്. ഇവർക്കു പുറമേ നിരവധി പ്രമുഖ താരങ്ങളും അണിനിരക്കുന്നുണ്ട്. എഴുപതില്‍ അധികം അഭിനേതാക്കള്‍ ഈ ചിത്രത്തില്‍ അഭിനയിക്കുന്നു.

രചന - ഷിബിൻ ഫ്രാൻസിസ്ഗാനങ്ങള്‍- വയലാർ ശരത് ചന്ദ്രൻ. സംഗീതം - ഹർഷവർദ്ധൻരാമേശ്വർ ഛായാഗ്രഹണം - ഷാജികുമാർ.എഡിറ്റിംഗ് - ഷഫീഖ് വി. ബി.കലാസംവിധാനം - ഗോകുല്‍ ദാസ്.

മേക്കപ്പ് - റോണക്സ് സേവ്യർ.കോസ്റ്റ്യും - ഡിസൈൻ- അനീഷ് തൊടുപുഴ. കാസ്റ്റിംഗ് ഡയറക്ടർ - ബിനോയ് നമ്പാല. ചീഫ് അസ്സോസ്സിയേറ്റ് ഡയറക്ടർ -കെ.ജെ. വിനയൻ. ദീപക് നാരായണ്‍.കോ-പ്രൊഡ്യൂസേഴ്സ് - വി.സി. പ്രവീണ്‍, ബൈജു ഗോപാലൻ. എക്സിക്കുട്ടീവ് - പ്രൊഡ്യൂസർ - കൃഷ്ണമൂർത്തി.പ്രൊഡക്ഷൻ മാനേജർ - പ്രഭാകരൻ കാസർകോഡ്.പ്രൊഡക്ഷൻ എക്സിക്കുട്ടീവ്സ് - നന്ദു പൊതുവാള്‍ ബാബു രാജ്മനിശ്ശേരി. പ്രൊഡക്ഷൻ കണ്‍ട്രോളർ - സിദ്ദു പനക്കല്‍

തിരുവനന്തപുരം, കോട്ടയം, പാലാ, ഈരാറ്റുപേട്ട ഹോങ്കോംങ്ങ്, എന്നിവിടങ്ങളിലായി ചിത്രീകരണം പൂർത്തിയാകും.