പട്ന: ബിഹാറിലെ വിഷ മദ്യ ദുരന്തത്തില് മരണം അഞ്ചായി. ഈസ്റ്റ് ചമ്പാരന് ജില്ലയിലാണ് വിഷമദ്യ ദുരന്തം ഉണ്ടായത്. സംഭവവുമായി ബന്ധപ്പെട്ട് 12 പേര് അറസ്റ്റിലായിട്ടുണ്ട്. വ്യാഴാഴ്ച മുതലാണ് ജില്ലയിലെ തുര്കൗലിയ, രഘുനാഥ്പൂര് പൊലീസ് സ്റ്റേഷന് പരിധികളില് മരണങ്ങള് റിപ്പോര്ട്ട് ചെയ്ത് തുടങ്ങിയത്.
മരണസംഖ്യ ഉയര്ന്നതോടെ കൂടുതല് നടപടികള് ആരംഭിച്ചതായി കിഴക്കന് ചമ്പാരന് ജില്ലാ മജിസ്ട്രേറ്റ് സൗരഭ് ജോര്വാള് അറിയിച്ചു. മരണസംഖ്യ അഞ്ചായി ഉയര്ന്നതായും മൃതദേഹങ്ങള് പോസ്റ്റ്മോര്ട്ടത്തിന് അയച്ചതായും അദ്ദേഹം പറഞ്ഞു. പോസ്റ്റ് മോര്ട്ടം റിപ്പോര്ട്ട് വന്നതിന് ശേഷം മാത്രമേ കൃത്യമായ മരണകാരണം വ്യക്തമാകൂ. തുര്കൗലിയ പൊലീസ് സ്റ്റേഷന് എസ്എച്ച്ഒയെ സസ്പെന്ഡ് ചെയ്തതായും അദ്ദേഹം കൂട്ടിച്ചേര്ത്തു.
രഘുനാഥ്പൂരില് നിന്നാണ് മരിച്ച ആദ്യത്തെയാള് വ്യാജമദ്യം കഴിച്ചതെന്ന് പ്രാഥമിക അന്വേഷണത്തില് കണ്ടെത്തിയതായി പൊലീസ് പറഞ്ഞു. മദ്യം എത്തിച്ചു നല്കിയയാളെ തിരിച്ചറിഞ്ഞതായും ഇയാളെ ഉടന് അറസ്റ്റ് ചെയ്യുമെന്നും പൊലീസ് വ്യക്തമാക്കി.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.