യുറോപ്പ്: ബള്ഗേറിയയിലെ അതീന്ദ്രിയ ജ്ഞാനുള്ള ഒരാളാണ് അന്ധയായ ബാബ വംഗയെന്ന് വിശ്വസിക്കപ്പെടുന്നു. ഇവരുടെ പല പ്രവചനങ്ങളും യാഥാര്ത്ഥ്യമായെന്നാണ് ഇവരെ പിന്തുടരുന്നവര് അവകാശപ്പെടുന്നത്.
അന്യഗ്രഹ ജീവികള് ഭൂമിയില്
2026 നവംബറില് അന്യഗ്രഹ ജീവികളുമായി മനുഷ്യൻ ആദ്യ സമ്പർക്കത്തിലേർപ്പെടുമെന്ന് ബാബ വാംഗ പ്രവചിക്കുന്നു. ഭൂമിയുടെ അന്തരീക്ഷത്തിലേക്ക് പ്രവേശിക്കുന്ന ഒരു വലിയ ബഹിരാകാശ പേടകത്തെ കുറിച്ചുള്ള വിവരണത്തിലാണ് ഇതിനെ കുറിച്ച് അവർ പറയുന്നത്. അതോടൊപ്പം 2026 -ല് ലോക രാജ്യങ്ങള് ഉള്പ്പെടുന്ന ഒരു ലോകമഹായുദ്ധത്തെ കുറിച്ചും ബാബ മുന്നറിയിപ്പ് നല്കുന്നു.
നിലവില് പശ്ചിമേഷ്യയില് യുഎസ് - ഇസ്രയേലിന്റെ നേതൃത്വത്തില് നടക്കുന്ന ഇസ്രയേല് യുദ്ധവും ചൈന, തായ്വാന് നേരെ നടത്തുന്ന സായുധ കടന്ന് കയറ്റവും മൂന്നാം ലോക മഹായുദ്ധത്തിന് കാരണമാകുമോയെന്ന് ലോകം ഉറ്റ് നോക്കുന്ന കാലം കൂടിയാണിത്.
എഐയുടെ അധിപത്യം
2026 -ല് മനുഷ്യജീവിതത്തിന്റെ എല്ലാ പ്രധാനമേഖലകളിലും എഐ ആധിപത്യം സ്ഥാപിക്കുമെന്നും ബാബ വാംഗ പ്രവചിക്കുന്നു. സഹായി എന്ന നിലവിട്ട് സ്വന്തമായി തീരുമാനങ്ങളെടുക്കുന്ന എഐ ബോട്ടുകളുടെ വരവായിരിക്കും ഈ വർഷം. ഇത് വലിയ തോതിലുള്ള തൊഴിലില്ലായ്മയെയും സാങ്കേതികവിദ്യയിലെ ധാർമ്മിക പ്രതിസന്ധികളെയും കുറിച്ച് വലിയ ആശങ്കയാണ് ഉയർത്തുന്നത്.
കാലാവസ്ഥാ വ്യതിയാനം
2026-ല് ശക്തമായ ഭൂകമ്പങ്ങള്, അഗ്നിപർവ്വത സ്ഫോടനങ്ങള്, കടുത്ത വെള്ളപ്പൊക്കങ്ങള് എന്നിങ്ങനെ ഭൂമിയില് വലിയ ദുരന്തങ്ങള് ഉണ്ടാകുമെന്നും ബാബ മുന്നറിയിപ്പ് നല്കുന്നു. ഭൂമിയുടെ കരഭാഗത്തിന്റെ 7-8 % വരെ ഇത് ബാധിക്കപ്പെടുമെന്നാണ് ചില വ്യാഖ്യാനങ്ങള് ചൂണ്ടിക്കാണിക്കുന്നത്. കാലാവസ്ഥാ വ്യതിയാനം മൂലം ഭൂമിയുടെ താപനില വർദ്ധിക്കുകയാണെന്നും ഇത് വലിയ കാലാവസ്ഥാ വ്യാതിയാനങ്ങള്ക്ക് കാരണമാകുമെന്നും ഗവേഷകരും മുന്നറിയിപ്പ് നല്കുന്നു.
സാമ്പത്തിക തകർച്ച, കിഴക്കിന്റെ ഉദയം, ലോക നേതാവ്
നിലവിലെ ലോക അധികാരിയെന്ന പദവി യുഎസിന് നഷ്ടപ്പെടും. ആഗോള ശക്തിയായി ഏഷ്യയില് നിന്നും ചൈന ഉയർന്ന് വരും. ഇത് പുതിയൊരു ലോകക്രമം സൃഷ്ടിക്കും. ഇതോടെ പടിഞ്ഞാറൻ ആധിപത്യം അവസാനിക്കുകയും കിഴക്കിന്റെ ആധിപത്യത്തിന് തുടക്കം കുറിക്കുകയും ചെയ്യുമെന്നും ബാബ വാംഗ മുന്നറിയിപ്പ് നല്കുന്നു. മാത്രമല്ല, ഈ അധികാര മാറ്റം ലോകത്ത് വലിയ തോതിലുള്ള സാമ്പത്തിക പ്രതിസന്ധിക്ക് കാരണമാകും.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.