ന്യൂഡൽഹി: ഗള്ഫ് മേഖലയില് അമേരിക്കയും ഇറാനും തമ്മിലുള്ള സംഘര്ഷങ്ങള് എണ്ണവിപണിയെ ബാധിക്കുന്നതിനിടെ ആഭ്യന്തര എണ്ണ ഉല്പ്പാദനത്തില് നിര്ണ്ണായക നാഴികക്കല്ല് പിന്നിട്ട് ഇന്ത്യ.
ഉല്പ്പാദനത്തില് 70 ശതമാനം വര്ധന
കഴിഞ്ഞ വര്ഷത്തെ അപേക്ഷിച്ച് ഉല്പ്പാദനത്തില് വന് കുതിച്ചുചാട്ടമാണ് ഉണ്ടായിരിക്കുന്നത്. കഴിഞ്ഞ വര്ഷം 705 ബാരലായിരുന്നത് ഇത്തവണ 1,202 ബാരലായി ഉയര്ന്നു (70% വര്ധന). 2025-26 സാമ്പത്തിക വര്ഷത്തില് ആകെ ഉല്പ്പാദനം 43,773 മെട്രിക് ടണ്ണിലെത്തി. കഴിഞ്ഞ വര്ഷം ഇത് 32,787 മെട്രിക് ടണ്ണായിരുന്നു.
മരുഭൂമിയില് നിന്ന് ടാങ്കറുകള് വഴി ഗുജറാത്തിലെ മെഹ്സാനയിലുള്ള ഒഎന്ജിസി പ്ലാന്റുകളിലാണ് എണ്ണ എത്തിക്കുന്നത്. അവിടെ നിന്ന് പൈപ്പ് ലൈനുകള് വഴി ഇന്ത്യന് ഓയില് കോര്പ്പറേഷന്റെ കൊയാലി റിഫൈനറിയിലേക്ക് ശുദ്ധീകരണത്തിനായി അയക്കും.
വെല്ലുവിളികളെ അതിജീവിച്ച സാങ്കേതിക വിദ്യ
രാജസ്ഥാനിലെ ബഗേവാല എണ്ണപ്പാടം ഇന്ത്യയിലെ തന്നെ അപൂര്വ്വമായ എണ്ണ നിക്ഷേപമുള്ള ഇടമാണ്. ഇവിടുത്തെ എണ്ണയ്ക്ക് കൊഴുപ്പ് കൂടുതലായതിനാല് സാധാരണ രീതിയില് വേര്തിരിച്ചെടുക്കുക അസാധ്യമായിരുന്നു. എന്നാല് 'സൈക്ലിക് സ്റ്റീം സ്റ്റിമുലേഷന്' എന്ന നൂതന സാങ്കേതികവിദ്യ ഉപയോഗിച്ചാണ് ഈ നേട്ടം സ്വന്തമാക്കിയത്.
ഭൂമിക്കടിയിലെ പാറക്കെട്ടുകളിലേക്ക് നീരാവി കടത്തിവിട്ട് എണ്ണയുടെ കട്ടി കുറച്ച് പുറത്തെടുക്കുന്ന രീതിയാണിത്. 1991-ല് കണ്ടെത്തിയ നിക്ഷേപമാണെങ്കിലും 30 വര്ഷത്തിന് ശേഷമാണ് ഈ സാങ്കേതികവിദ്യ വിജയകരമായി നടപ്പിലാക്കുന്നത്. കഴിഞ്ഞ വര്ഷം 9 കിണറുകളായിരുന്നത് ഇത്തവണ 13 ആയി വര്ധിപ്പിച്ചു. 'ഫിഷ്ബോണ് ഡ്രില്ലിംഗ്' തുടങ്ങിയ ആധുനിക രീതികളും ഇവിടെ പരീക്ഷിക്കുന്നുണ്ട്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.