ഇടുക്കി: വേനല്ച്ചൂടില് ഒന്നു ഫ്രഷ് ആകാൻ കരിമ്പിൻ ജ്യൂസ് ബെസ്റ്റാണ്. ഉടനടി ഊര്ജ്ജം കിട്ടാനും ദഹനത്തിനും അസിഡിറ്റിക്കുമൊക്കെ മികച്ച ഓപ്ഷനാണിത്.
പ്രമേഹരോഗികള്
കരിമ്പിന്റെ ഗ്ലൈസെമിക് സൂചിക കൂടുതലായതിനാല് പ്രമേഹ രോഗികള്ക്ക് അത്ര ആരോഗ്യകരമല്ല. ഒരു ഗ്ലാസ് ജ്യൂസില് ഏകദേശം 40-50 ഗ്രാം വരെ പഞ്ചസാര അടങ്ങിയിരിക്കാം, ഇത് ഒരു സോഫ്റ്റ് ഡ്രിങ്കിന് തുല്യമാണെന്ന് വിദഗ്ധർ പറയുന്നു. ഇത് രക്തത്തില് ഷുഗര് സ്പൈക്ക് ഉണ്ടാക്കാം.
ശരീരഭാരം കുറയ്ക്കാന് ആഗ്രഹിക്കുന്നവര്
ശരീരഭാരം കുറയ്ക്കാൻ ശ്രമിക്കുന്നവർക്ക് കരിമ്പിൻ ജ്യൂസ് ഒഴിവാക്കുന്നതാണ് നല്ലത്. കാരണം, കരിമ്പില് പ്രകൃതിദത്ത പഞ്ചസാരയ്ക്കൊപ്പം ഉയര്ന്ന അളവില് കലോറിയും അടങ്ങിയിട്ടുണ്ട്. ഇത് പതിവായി കുടിക്കുന്നത് കൊഴുപ്പ് കുറയ്ക്കുന്നതിന് പകരം ശരീരഭാരം വർധിപ്പിക്കും. അത് ഹൃദ്രോഗങ്ങളിലേക്കും ഫാറ്റി ലിവര് പോലുള്ള ഗുരുതര ആരോഗ്യപ്രശ്നങ്ങളിലേക്കും നയിക്കും.
വഴിയരികില് നിന്ന് കരിമ്പിന് ജ്യൂസ് വാങ്ങി കുടിക്കുന്നവര് നിരവധിയാണ്. അവിടെ ശുചിത്വം എല്ലായ്പ്പോഴും ഉണ്ടാകണമെന്നില്ല. ശരിയായി വൃത്തിയാക്കാത്ത യന്ത്രങ്ങള്, വൃത്തിഹീനമായ വെള്ളമോ ഫില്ട്ടർ ചെയ്യാത്ത ഐസോ ഉപയോഗിക്കുന്നത് മലിനീകരണ സാധ്യത വർധിപ്പിക്കുന്നു. പ്രതിരോധശേഷി കുറഞ്ഞവരിലും കുട്ടികളിലും മുതിര്ന്നവരിലും ഇത് അണുബാധ, വയറിളക്കം അല്ലെങ്കില് ഭക്ഷ്യവിഷബാധയ്ക്ക് കാരണമാകും.
മഞ്ഞപ്പിത്തം അല്ലെങ്കില് കരള് പ്രശ്നങ്ങള് ഉള്ളവര്
കരളിന്റെ ആരോഗ്യത്തിന്, പ്രത്യേകിച്ച് മഞ്ഞപ്പിത്തത്തിന്, ആയുർവേദത്തില് കരിമ്പിൻ ജ്യൂസ് പലപ്പോഴും ശുപാർശ ചെയ്യാറുണ്ട്. എന്നാല് എല്ലാ കേസുകളിലും ഗുണപ്രദമായിരിക്കില്ലെന്ന് വിദഗ്ധര് ചൂണ്ടിക്കാണിക്കുന്നു. കരള് രോഗം, ഫാറ്റി ലിവർ അല്ലെങ്കില് സിറോസിസ് എന്നിവ ഉള്ളവര്ക്ക് കരിമ്പിൻ ജ്യൂസില് അടങ്ങിയ പഞ്ചസാര കരള് സമ്മർദം വർധിപ്പിക്കുന്നു.
ദന്തരോഗമുള്ളവര്
കരിമ്പിന് ജ്യൂസില് അടങ്ങിയ പഞ്ചസാര പല്ലുകളില് പറ്റിപടിച്ചിരിക്കാന് സാധ്യതയുണ്ട്. ശരിയായി കഴുകിയില്ലെങ്കില്, അത് ബാക്ടീരിയ വളർച്ച, പല്ലുകളില് പോട്, മോണയിലെ പ്രശ്നങ്ങള് എന്നിവയിലേക്ക് നയിച്ചേക്കാം. സെൻസിറ്റീവ് പല്ലുകള്, പല്ല് ക്ഷയം, അല്ലെങ്കില് മോണയിലെ അണുബാധ തുടങ്ങിയ ദന്ത പ്രശ്നങ്ങള് ഉള്ളവർ കൂടുതല് ജാഗ്രത പാലിക്കണം.
ദഹനപ്രശ്നങ്ങളുള്ളവര്
പലർക്കും കരിമ്പിൻ ജ്യൂസ് ഉന്മേഷദായകമാണെങ്കിലും, ദഹനക്കുറവ്, വയറു വീർക്കല്, ഇറിറ്റബിള് ബവല് സിൻഡ്രോം (IBS) എന്നിവയുള്ളവർക്ക് ആരോഗ്യകരമായ ഓപ്ഷന് അല്ല
കരിമ്പിന് ജ്യൂസ്. ഇത് വയറ്റില് എത്തി വേഗത്തില് പുളിക്കുകയും ഗ്യാസ് പോലുള്ള അസ്വസ്ഥതയ്ക്ക് കാരണമാകും. വയറിളക്കം ഉള്ളവരില് ലക്ഷണങ്ങള് കൂടുതല് വഷളാകും.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.