ന്യൂസിലൻഡ് ;കഴിഞ്ഞ മാസം ഓക്ലൻഡിൽ നടന്ന ഹോളി ആഘോഷങ്ങളിൽ പങ്കെടുത്ത സാംസ്കാരിക സംഘത്തിലെ പത്തോളം അംഗങ്ങൾ വിസ കാലാവധി കഴിഞ്ഞിട്ടും ന്യൂസിലൻഡിൽ തുടരുന്നതായി ഇമിഗ്രേഷൻ ന്യൂസിലൻഡ് അറിയിച്ചു.
ആകെ 18 പേരാണ് ഈ സംഘത്തിലുണ്ടായിരുന്നത്. ഇതിൽ മൂന്ന് പേർ രാജ്യം വിട്ടതായും 15 പേർ ഇപ്പോഴും ന്യൂസിലൻഡിൽ ഉണ്ടെന്നും ഇമിഗ്രേഷൻ വിഭാഗം സ്ഥിരീകരിച്ചു. ഇതിൽ ചിലർ അഭയം (Asylum) തേടുന്നതിനായി ഇമിഗ്രേഷൻ ഉപദേശകരെ സമീപിച്ചതായും റിപ്പോർട്ടുകളുണ്ട്.
ന്യൂസിലൻഡിലെത്തുന്നതിനായി ഏജന്റുമാർക്ക് 20 ലക്ഷം രൂപ (ഏകദേശം 40,000 ഡോളർ) നൽകിയതായാണ് സൂചന. അതേസമയം, പരിപാടിയിൽ പങ്കെടുത്ത ബോളിവുഡ് ഗായിക ഷിബാനി കശ്യപ് ഈ വിവാദത്തിൽ തനിക്ക് പങ്കില്ലെന്ന് വ്യക്തമാക്കി.
താൻ ഒറ്റയ്ക്കാണ് പരിപാടിക്ക് എത്തിയതെന്നും മറ്റ് കലാകാരന്മാരുമായി തനിക്ക് ബന്ധമില്ലെന്നും അവർ അറിയിച്ചു. സിഡി ഫൗണ്ടേഷനും ഇതേ നിലപാട് തന്നെയാണ് സ്വീകരിച്ചിട്ടുള്ളത്. സംഭവത്തെക്കുറിച്ച് ഇമിഗ്രേഷൻ ന്യൂസിലൻഡ് അന്വേഷണം ആരംഭിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.