ചെന്നൈ: അമ്പരപ്പിക്കുന്ന തീരുമാനവുമായി നടനും മക്കള് നീതി മയ്യം പാർട്ടി നേതാവുമായ കമല്ഹാസൻ. തമിഴ്നാട് നിയമസഭാ തെരഞ്ഞെടുപ്പില് മക്കള് നീതി മയ്യം മത്സരിക്കില്ലെന്നാണ് കമല്ഹാസൻ വ്യക്തമാക്കിയത്.
സീറ്റ് വിഭജന ചർച്ചയ്ക്ക് വിളിച്ച എല്ലാ ഘടകകക്ഷികള്ക്കുമായി 66 സീറ്റുകളാണ് ഡിഎംകെ നല്കിയത്. ആകെ 234 മണ്ഡലങ്ങളാണ് തമിഴ്നാട്ടിലുള്ളത്. രണ്ട് സീറ്റാണ് മക്കള് നീതി മയ്യം പാർട്ടിക്ക് ഡിഎംകെ വാഗ്ദാനം ചെയ്തിരുന്നത്. രണ്ട് സീറ്റിലും ഉദയസൂര്യൻ ചിഹ്നത്തില് മത്സരിക്കണം എന്നായിരുന്നു ആവശ്യം. എന്നാല് ടോർച്ച് ചിഹ്നത്തോട് പ്രവർത്തകർക്ക് വൈകാരിക അടുപ്പമാണ് ഉള്ളതെന്ന് കമല്ഹാസൻ അഭിപ്രായപ്പെട്ടു.
ഡിഎംകെയുടെ നിലപാട് ന്യായീകരിക്കാവുന്നതാണ്. തമിഴ്നാടിന്റെ അവകാശങ്ങള് തട്ടിയെടുക്കാൻ ശ്രമിക്കുന്നവർക്കെതിരായ പോരാട്ടത്തിനിടെ സ്വന്തം വിഹിതം ചോദിക്കുന്നത് ശരിയല്ല. ഡിഎംകെ സഖ്യത്തെ പൂര്ണമായി പിന്തുണയ്ക്കുമെന്നും കമല്ഹാസൻ വ്യക്തമാക്കി. ഇത് ത്യാഗം അല്ലെന്നും കടമ ആണെന്നും കമല്ഹാസൻ പറഞ്ഞു.
അതേസമയം, കമല്ഹാസന്റേത് ത്യാഗം തന്നെയെന്ന് തമിഴ്നാട് മുഖ്യമന്ത്രിയും ഡിഎംകെ നേതാവുമായ എം കെ സ്റ്റാലിൻ പ്രതികരിച്ചു. നന്ദി പറയാൻ വാക്കുകള് ഇല്ലെന്ന് പറഞ്ഞ സ്റ്റാലിൻ, സംസ്ഥാനം മുഴുവൻ പ്രചാരണം നടത്തണമെന്ന് കമലിനോട് അഭ്യർത്ഥിച്ചു. കമലിന്റെ വിശാലമനസ് ചരിത്രം വാഴ്ത്തുമെന്നും അദ്ദേഹം കൂട്ടിച്ചേര്ത്തു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.