ഇറാന്: ഹോര്മൂസ് കടലിടുക്കിലൂടെയുള്ള കപ്പല് ഗതാഗതം പുതിയ നിയമങ്ങള് കൊണ്ടുവരുമെന്ന് ഇറാന്. ലോക വിപണിയില് പ്രകൃതിവാതകത്തിന്റെ പ്രധാന സ്രോതസ്സായ ഖത്തറിലെ എല്എന്ജി കേന്ദ്രത്തിന് നേരെ ആയിരുന്നു ഇറാന് ആക്രമണം നടത്തിയത്.
കുവൈത്തില് മിന അല്-അഹമ്മദി റിഫൈനറിക്ക് നേരെ ആയിരുന്നു ഇറാന്റെ ആക്രമണം. പ്രതിദിനം 730,000 ബാരല് പെട്രോളിയം ഉല്പാദന ശേഷിയുള്ള മിന അല്-അഹമ്മദി മിഡില് ഈസ്റ്റിലെ ഏറ്റവും വലിയ റിഫൈനറികളില് ഒന്നാണ്.
യുഎഇക്ക് നേരെ ഉണ്ടായ ആക്രമണത്തിന്റെ പശ്ചാത്തലത്തില് അബുദാബിയിലെ ഹബ്ഷാന് ഗ്യാസ് പ്ലാന്റ്, ബാബ് ഫീല്ഡ് എന്നിവയുടെ പ്രവര്ത്തനങ്ങളും നിര്ത്തിവച്ചിരിക്കുകയാണ്. ഊര്ജ്ജ അടിസ്ഥാന സൗകര്യങ്ങള്ക്കെതിരായ ഇറാന് ആക്രമണങ്ങളെ അപലപിച്ചു ഗള്ഫ് രാജ്യങ്ങള് രംഗത്തെത്തി. ഇറാനില് ഉണ്ടായിരുന്ന വിശ്വാസം തകര്ക്കുന്നതാണ് തുടര്ച്ചയായ ആക്രമണങ്ങളെന്നാണ് ഖത്തര്, സൗദി അറേബ്യ, യുഎഇ തുടങ്ങിയ രാജ്യങ്ങളുടെ നിലപാട്.
എണ്ണപ്പാടങ്ങള്ക്ക് എതിരായ ആക്രമണങ്ങള് 'സംഘര്ഷത്തിന്റെ ഗതിമാറ്റത്തിന്റെ വ്യക്തമായ സൂചനയാണെന്നാണ് അന്താരാഷ്ട്ര നിരീക്ഷകരുടെ വിലയിരുത്തല്. 'ലോകത്തെ മുഴുവന് വിഴുങ്ങാന് സാധ്യതയുള്ള പ്രത്യാഘാതങ്ങള് ഉണ്ടാകുമെന്നായിരുന്നു ആക്രമണത്തില് അപലപിച്ച് ഇറാന് പ്രസിഡന്റ് മസൂദ് പെസെഷ്കിയാന് നല്കിയ മുന്നറിയിപ്പ്. ഇറാനിലെ എണ്ണപ്പാടങ്ങള് ലക്ഷ്യമിട്ട് ഇസ്രയേല് നടത്തിയ ആക്രമണങ്ങളില് അമേരിക്കയും അതൃപ്തി രേഖപ്പെടുത്തിയിരുന്നു.
സൗത്ത് പാര്സില് മേഖലയെ ഇസ്രയേല് ഇനി ലക്ഷ്യമിടില്ലെന്ന് ഡോണള്ഡ് ട്രംപും വ്യക്തമാക്കിയിരുന്നു. ദീര്ഘകാല പ്രത്യാഘാതങ്ങള് വിലയിരുത്തി ഈ തരത്തിലുള്ള അക്രമത്തെ താന് അംഗീകരിക്കില്ലെന്നായിരുന്നു ട്രംപ് സോഷ്യല് മീഡിയയില് പ്രതികരിച്ചത്
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.