കൊച്ചി: നിയമസഭാ തെരഞ്ഞെടുപ്പില് ചലച്ചിത്രമേഖലയില് നിന്ന് കൂടുതല് പേരെ രംഗത്തിറക്കാന് ബിജെപി. ഒറ്റപ്പാലത്ത് സംവിധായകനും നടനുമായ മേജര് രവിയും തൃപ്പൂണിത്തുറയില് നടി ശ്വേത മേനോനും സ്ഥാനാര്ഥിയാകുമെന്നാണ് റിപ്പോര്ട്ടുകള്.
പ്രധാനമന്ത്രിയുടെ സന്ദര്ശനത്തിന് മുന്പായി എന്ഡിഎ വിപുലീകരിക്കാനും പ്രമുഖരെ പാര്ട്ടിയിലെത്തിക്കാനുമാണ് ബിജെപിയുടെ നീക്കം. മോദിയുടെ സന്ദര്ശനത്തോടെ നിയമസഭാ തെരഞ്ഞെടുപ്പ് പ്രചാരണത്തിന് ബിജെപി തുടക്കമിടും. മധ്യകേരളത്തില് എന്.ഡി.എയുടെ കരുത്ത് പ്രകടമാക്കുന്നത് കൂടിയാകും മോദി പങ്കെടുക്കുന്ന റാലി. സാമുദായിക നേതാക്കളുമായി മോദി കൂടിക്കാഴ്ച നടത്തുന്നത് ആലോചനയിലുണ്ട്.
52 മണ്ഡലങ്ങളിലെ പട്ടിക സംസ്ഥാന നേതൃത്വം കേന്ദ്രഘടകത്തിന് കൈമാറിയിട്ടുണ്ട്. നേമം-രാജീവ് ചന്ദ്രശേഖര്, കഴക്കൂട്ടം-വി. മുരളീധരന്, കാട്ടാക്കട-പി.കെ. കൃഷ്ണദാസ്, ആറ്റിങ്ങല്-ജി.എസ്. ആശാനാഥ്, തിരുവനന്തപുരം-കരമന ജയന്, ജി. കൃഷ്ണകുമാര്, രാജശേഖരന്നായര്, കൊല്ലം-പ്രശാന്ത്, ചാത്തന്നൂര്-ബി.ബി. ഗോപകുമാര്, കരുനാഗപ്പള്ളി-ജിതിന് ദേവ്, കൊട്ടാരക്കര-ആര്. രശ്മി, പത്തനാപുരം-അഖില് മാരാര്, തിരുവല്ല-അനൂപ് ആന്റണി, ആറന്മുള-കുമ്മനം രാജശേഖരന്, എം.ടി. രമേശ്, ചെങ്ങന്നൂര്-സന്ദീപ് വാചസ്പതി,
എം.വി. ഗോപകുമാര്, മഞ്ചേശ്വരം-കെ. സുരേന്ദ്രന്, കോഴിക്കോട് നോര്ത്ത്-നവ്യ ഹരിദാസ്, ഷൊര്ണൂര്-ശങ്കു ടി. ദാസ്, മലമ്പുഴ-സി. കൃഷ്ണകുമാര്, പാലാ-ഷോണ് ജോര്ജ്, കാഞ്ഞിരപ്പള്ളി-കേന്ദ്രമന്ത്രി ജോര്ജ് കുര്യന്, കൊടുങ്ങല്ലൂര്-ബി. ഗോപാലകൃഷ്ണന്, തലശ്ശേരി-യുവമോര്ച്ച പ്രഭാരി-ഒ. നിധീഷ് തുടങ്ങിയവര് കേന്ദ്രഘടകത്തിനു കൈമാറിയ പട്ടികയിലുള്പ്പെട്ടിട്ടുണ്ട്
അതിനിടെ, വ്യാഴാഴ്ച പാലക്കാട് എത്തിയ ശോഭ സുരേന്ദ്രന് അനൗപചാരികമായി പ്രവര്ത്തനം ആരംഭിച്ചു. ആര്എസ്എസിലെ മുതിര്ന്ന നേതാക്കളുമായി ശോഭ സുരേന്ദ്രന് കൂടിക്കാഴ്ച നടത്തുകയും ചെയ്തു. മുന് സംസ്ഥാന പ്രസിഡന്റ് കെ. സുരേന്ദ്രന് മഞ്ചേശ്വരം മണ്ഡലത്തില് ഇതിനോടകം പ്രവര്ത്തനങ്ങള് ആരംഭിച്ചിട്ടുണ്ട്.
സംസ്ഥാന വൈസ് പ്രസിഡന്റ് സി. കൃഷ്ണകുമാര് മലമ്പുഴയിലും സജീവമാണ്. തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പില് ബിജെപിക്ക് 45,000 ത്തിലധികം വോട്ടുകള് ലഭിച്ച മണ്ഡലങ്ങളാണ് ഇവ.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.