പാലാ: സാധാരണക്കാർക്കും വിദ്യാർത്ഥികൾക്കും സംരംഭകർക്കും പുതിയ സാങ്കേതിക വിദ്യകളും സംരംഭകത്വ സാധ്യതകളും പരിചയപ്പെടുത്തുന്നതിനായി പാലാ സെന്റ് ജോസഫ്സ് കോളേജ് ഓഫ് എഞ്ചിനിയറിംഗ് ആൻഡ് ടെക്നോളജിയിൽ (SJCET),
ഇന്നലെ രാവിലെ നടന്ന 'ബിൽഡത്തോൺ 2026', കേരള സ്റ്റാർട്ടപ്പ് മിഷൻ ചീഫ് ഓപ്പറേറ്റിങ് ഓഫിസർ ശ്രീ ടോം തോമസ് ഉദ്ഘാടനം ചെയ്തു. കോളേജ് ഡയറക്ടർ റവ പ്രൊഫ. ഡോ. ജയിംസ് ജോൺ മംഗലത്ത് അധ്യക്ഷത വഹിച്ചു.
ബിൽഡത്തോൺ 2026 ൽ എഞ്ചിനീയറിംഗ്, മെഡിക്കൽ, മാനേജ്മെന്റ്, സയൻസ് തുടങ്ങിയ മേഖലകളിലെ വിദ്യാർഥികൾ, ഗവേഷകർ, സ്റ്റാർട്ട് അപ്പ് സംരംഭകർ എന്നിവരാണ് പങ്കെടുക്കുന്നത്.
ബിൽഡത്തോണിൽ ഒന്നു മുതൽ മൂന്ന് വരെ സ്ഥാനങ്ങളിൽ വിജയികളാകുന്നവർക്ക് യഥാക്രമം രണ്ടു ലക്ഷം രൂപ , ഒരു ലക്ഷം രൂപ , അമ്പതിനായിരം രൂപ എന്നിങ്ങനെ സമ്മാനമായി നൽകും.
ആദ്യ പത്തിൽ സ്ഥാനം ലഭിക്കുന്ന ടീമുകൾക്ക് പാലാ സെന്റ് ജോസഫ്സ് എഞ്ചിനിയറിംഗ് കോളേജ് ബൂട്ട് ക്യാംപിന്റെയും ഐഇഡിസി യുടെയും മെന്ററിംഗ്, എസ്.ജെ.സി.ഇ.ടി ഇൻക്യുബെഷൻ സെന്ററിന്റെ (SIIF) ഇൻക്യുബെഷൻ സപ്പോർട്ട്, വർക്ക് സ്പേയ്സ് & പ്രോട്ടോ ടൈപ്പിംഗ് സൗകര്യങ്ങൾ എന്നിവ ലഭിക്കും.
എക്സിബിഷൻ സ്റ്റാളുകൾ പാലാ മാർ സ്ലീവാ മെഡിസിറ്റി എം ഡിയും സി ഇ ഒയുമായ റവ ഫാ മാത്യു തെക്കേൽ ഉദ്ഘാടനം ചെയ്തു.
എക്സിബിഷനിലെ പ്രധാന ആകർഷണങ്ങൾ:കാർഷിക പ്രദർശനം: കേരള കാർഷിക സർവകലാശാല, കൃഷിവകുപ്പ് എന്നിവയുടെ സ്റ്റാളുകൾക്ക് പുറമെ ഹൈഡ്രോപോണിക്സ്, ബയോഗ്യാസ്, കൂൺകൃഷി, തേനീച്ചകൃഷി, അത്യാധുനിക കാർഷിക യന്ത്രങ്ങൾ എന്നിവയുടെ തത്സമയ പ്രദർശനം ഉണ്ടായിരിക്കും.
ആരോഗ്യ സാങ്കേതികവിദ്യ: പാലാ മാർ സ്ലീവാ മെഡിസിറ്റി അവതരിപ്പിക്കുന്ന എ.ഐ. അധിഷ്ഠിത സ്തനാർബുദ നിർണയ സംവിധാനവും നാഷണൽ ഇൻസ്റ്റിറ്റ്യൂട്ട് ഓഫ് സ്പീച്ച് & ഹിയറിംഗ് (നിഷ്)ഒരുക്കുന്ന മനുഷ്യസഹായസാങ്കേതികവിദ്യകളും.
റോബോട്ടിക്സ് & എ.ഐ:എ.ഐ. ഗ്ലാസുകൾ, ഡ്രോണുകൾ എന്നിവയുടെ വിപുലമായ നിര. എനർജി : സോളാർ പവേർഡ് വാഹനങ്ങൾ, ഹൈഡ്രജൻ ഫ്യൂവൽ സെല്ലുകൾ, ഗ്രീൻ ബിൽഡിംഗ് മാതൃകകൾ, വിവിധ ബാറ്ററി സാങ്കേതികവിദ്യകൾ എന്നിവ പരിചയപ്പെടാം.
പ്രവേശനം സൗജന്യം:
രാവിലെ 9.30 മുതൽ വൈകിട്ട് 5.30 വരെ പൊതുജനങ്ങൾക്ക് എക്സിബിഷൻ സൗജന്യമായി കാണാവുന്നതാണ്.
മാർച്ച് 5നു രാവിലെ 9.30നു നടക്കുന്ന ഏകദിന ശില്പശാലയ്ക്ക് പാലാ രൂപത പ്രോട്ടോ സിഞ്ചെല്ലൂസും കോളേജ് ചെയർമാനുമായ മോൺ. ഡോ. ജോസഫ് തടത്തിൽ, കേരള അഗ്രികൾച്ചറൽ സർവകലാശാലയിൽ നിന്ന് ഡോ. കെ. പി. സുധീർ, പിറവം അഗ്രോപാർക്ക് ചെയർമാൻ ശ്രീ ബൈജു നെടുംകേരി എന്നിവർ നേതൃത്വം നൽകും.
പാലാ രൂപത മെത്രാൻ അഭി. മാർ ജോസഫ് കല്ലറങ്ങാട്ട് മുഖ്യാതിഥി ആകും. സെമിനാറിൽ കാർഷിക സംരംഭകത്വം, സ്റ്റാർട്ടപ്പ് ഇക്കോസിസ്റ്റം, സംരംഭകർക്കുള്ള വായ്പകളും ധനസഹായ സൗകര്യങ്ങളും എന്നീ വിഷയങ്ങളിൽ വിദഗ്ധർ ക്ലാസുകൾ നയിക്കും. ബിൽഡത്തോൺ ജേതാക്കൾക്കുള്ള സമ്മാനവിതരണം മാർ ജോസഫ് കല്ലറങ്ങാട്ട് നിർവഹിക്കും.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.