ഷാർജ: യുഎഇയിലെ ഷാർജ തീരത്തിന് വടക്ക് ഏകദേശം 15 നോട്ടിക്കൽ മൈൽ അകലെ കടലിൽ ചരക്കുകപ്പലിന് സമീപം സ്ഫോടനം. ബൾക്ക് കാരിയർ കപ്പലിന് നേരെയാണ് അജ്ഞാത ഉറവിടത്തിൽ നിന്നുള്ള പ്രൊജക്റ്റൈൽ പതിച്ച് സ്ഫോടനമുണ്ടായത്. യുകെ മാരിറ്റൈം ട്രേഡ് ഓപറേഷൻസ് (UKMTO) ആണ് ഇത് സംബന്ധിച്ച റിപ്പോർട്ട് പുറത്തുവിട്ടത്.
കപ്പലിലുണ്ടായിരുന്ന ജീവനക്കാരെല്ലാം സുരക്ഷിതരാണെന്ന് ക്യാപ്റ്റൻ അറിയിച്ചു. ഞായറാഴ്ച പുലർച്ചെയാണ് സംഭവം റിപ്പോർട്ട് ചെയ്തത്. ആക്രമണത്തിന്റെ ലക്ഷ്യം വ്യക്തമല്ലാത്തതിനാൽ സംഭവത്തെക്കുറിച്ച് അധികൃതർ വിശദമായ അന്വേഷണം നടത്തിവരികയാണ്.
മേഖലയിലൂടെ കടന്നുപോകുന്ന കപ്പലുകൾ അതീവ ജാഗ്രത പാലിക്കണമെന്ന് യുകെഎംടിഒ നിർദ്ദേശച്ചു. സംശയാസ്പദമായ നീക്കങ്ങൾ ശ്രദ്ധയിൽപ്പെട്ടാൽ ഉടൻ റിപ്പോർട്ട് ചെയ്യാനും മുന്നറിയിപ്പുണ്ട്.
യുഎഇക്കും സൗദിക്കും നേരെ മിസൈൽ - ഡ്രോൺ ആക്രമണങ്ങൾ തുടരുന്ന സാഹചര്യത്തിൽ കടലിലുണ്ടായ ഈ സ്ഫോടനം അതീവ ഗൗരവത്തോടെയാണ് സുരക്ഷാ ഏജൻസികൾ കാണുന്നത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.